1 Dios, bi so' žize.
2 Ẕbéžeya'agak benne' ka' bi ẕḻé'egekle' Le' chawe',
3 Bagáche'ze ba béngake' toze diža' bi da' góngake' chegak benne' chio' ka',
4 Wnnágake': “Le cho'o, wžía yi'žo benne' ka' nich biž soa yež chégake',
5 Ba béngake' toze diža' bi da' góngake' chio' Le'.
6 Ki žongak benne' Edom ka', na' benne' Ismael ka',
7 na' benne' Jebal ka', na' benne' Amón ka', na' benne' Amalek ka',
8 Ḻezka' benne' Asiria ka' zej nake' toze ḻen ḻégake'.
9 Ben chegak benne' ki kan beno' chegak benne' Madián,
10 benne' ka' beto' Le' ḻo yežlyó Endor,
11 Ben ga gak chegak benne' blo ka' chegak benne' ki kan gok che Oreb, na' che Seb,
12 dan' wnnagak benne' ki: “Gak chežo yežlyó
13 Dios chia', ben ga gákgake' ka laga' biž da' ẕche' to be' da' žechjlen.
14 Ka žon to yi' da' ẕzeyen to ya'a ẕen,
15 ka'kze wẕía ḻaže' benne' ki to ḻo be' bdone',
16 Ben ga yedoé'eḻe'egekle',
17 Ben ga chíx̱gekle', na' kwe' zédgekle' to chi'ize.
18 Ben ga yeyónbia'gake' nako' Le' X̱anto' Dios.