1 X̱anto' Dios, ¿wléj yichjo' neto' to chi'ize?
2 Bsa' ḻaže' benne' chio' ka', benne' ka' wẕi'o ža ni'te, benne' ka' beya'wo'
3 Da ka' gaze yedjḻe'elo' ka nbia yi' yež nga,
4 Ẕbéžeya'agak benne' ka' bi ẕḻé'egekle' Le' chawe'
5 Bchínnjgake' yež ni,
6 Ḻen ya wag chégake' ka', na' ḻen yag chégake' ka',
7 Bzéygake' latje la'y chio'.
8 Wnnágake': “¡Wžía yi'žo ḻégake' to chi'ize!”
9 Biž bi ẕḻe'elto' da' nak la'y, dan' bchisto' ḻo yežlyó cheto'.
10 X̱anto' Dios, ¿to chi'ize wchix̱gak benne' ka' neto', benne' ka' žsaka' zí'gake' neto'?
11 ¿Biẕ chen' bi be žono' chegak benne' ka'?
12 San Le', Dios, nako' Benne' Wnná Bia' chia' ža ni'te.
13 Ḻen yeḻa' wak ẕen chio' beno' nisdo' chope ḻa'a.
14 Bzoẕjo' yichj bia ẕenḻe'e, bian' leba' lebiatán,
15 Beno' ga golj nis bej ka', na' nis yegw ka'.
16 Chio' Le' nak ḻawe' ža, na' ḻezka' chio' nak yele.
17 Bnnitkzo' to chi'ize yógo'te da' zej že' yežlyó nga.
18 Bejsá' ḻaže' da' ni:
19 Bi gaḻ ḻažo'o neto', benne' chio' ka', to chi'ize.
20 Bejsá' ḻaže' diža' da' bénḻeno' neto',
21 Bi go'o latje yedoé'egekle benne' gax̱jw ḻaže' ka'.
22 Wzó ža', Dios. Ben kan wnnakzo' gono'.
23 Bi gaḻ ḻažo'o da' wnné zi'gak benne' wen da' ẕinnj ka' chio' Le'.