1 X̱ana' Dios, beslá neda' ḻo na'gak benne' ka' bi ẕḻé'egekle' neda' chawe'.
2 Beslá neda' ḻo na'gak benne' ka' žóngake' da' ẕinnj.
3 Žénegekle' gótgake' neda'.
4 Ḻa'kze bi be bena' chegak benne' ka', žon byéngake' góngake' neda' ẕia.
5 Le', X̱ana', Dios chegak benne' zan ka' žjake' ḻo wdiḻe,
6 Ẕḻá'gake' kate' žen wbíž, na ẕbéžeya'agake'
7 Bwia nga, da' ẕcháḻjgake' naken ka da' žeyébgake'.
8 San Le', X̱ana' Dios, wẕiẕo' chegak benne' ka'.
9 Benne' ka' bi ẕḻé'egekle' neda' chawe' zej nake' waḻe.
10 Dios, Bennen' žeyache' ḻáže'le' neda', yide', na' gákḻene' neda'.
11 Bi goto' benne' ka', nich bi gaḻ ḻáže'gak benne' chia' ka' da' ka' žono'.
12 Ben ga chíx̱gekle' ḻo yeḻa' ẕka'n ẕen kwíngake',
13 Bžia yi' ḻégake' ḻo yeḻa' ẕža'a chio'.
14 Ẕḻá'gake' kate' žen wbíž, na' ẕbéžeya'agake'
15 Ẕdágake' ka benne' ka' ẕdágakze', žíljgake' da' gáwgake'.
16 san neda' goḻkza' che yeḻa' wak chio',
17 Le' žon chocho' neda', na' goḻkza' chio', Dios.