1 Bze nag, X̱ana' Dios, da' žḻiža' Le',
2 Bebán ḻaže', na' bechebe chia'.
3 Benne' bi ẕḻe'ele' neda' chawe' ẕnnie' chia',
4 Že' zedle ḻáẕda'wa' ḻo beḻa' žen chia',
5 Ẕžébeḻi'a, na' žẕízeḻi'a,
6 Wnnía': “Chela' gonno' chia' x̱il ka' ka zej nak x̱il bsia,
7 Da' ḻi wẕonnja' zíto'le, na' soakza' ḻe'e latje dach.
8 Gon byena' bi be gon chia' be' bdone', na' be' waḻe.”
9 Bžia yi' benne' ka' bi zej nake' chawe', X̱ana' Dios.
10 Dot ža, na' yele žéchjgekle' yež.
11 Nža' yež nga da' bi nak chawe' da' žóngake'.
12 Chela' gok no benne' bi ẕḻe'ele' neda' chawe', bennen' bene' neda' ẕia, na' bzoelan'.
13 san le' benkzon', na' goko' ka to bi' lježa'.
14 Tẕen bchaḻjžo dot ḻáže'žo, na' ḻo yeḻa' ži'i ḻaže' wdažo ḻo liž Dios.
15 Dios, ben ga sen yeḻa' got benne' ka' choḻze, benne' ka' bi zej nake' chawe'.
16 San ka nak chia' neda', bḻiža' Dios,
17 Zildo', na' wawbíž, na' kate' žen wbíž ẕcháḻjḻena' Dios.
18 Yeya'we' be' da' nakkza' ḻo na'gak benne' ka' ẕdíḻ-lengake' neda',
19 Dios nake' Bennen' zóateze', na' ẕnna biá'teze'.
20 Benne' wen da' ẕinnj ka' ẕdíḻ-ḻengake' benne' ka' ẕgá'nḻengake' ḻégake' chawe'.
21 Da' ẕcháḻjgake' naken diža' cháwe'do', san yo'o yichj ḻáẕdo'gake' yeḻa' ẕža'a.
22 Bde ywa' chio' x̱kože' X̱anžon' na' Ḻe' gon choche' le'.
23 San Le', Dios, gono' ga cho'ogak benne' wen da' ẕinnj ka',