1 Bze nag da' ẕnnia', X̱ana' Dios.
2 Le' nako' X̱ana', na' nako' Dios chia'.
3 X̱ana' Dios, chbal-le yenlo' chi'a.
4 Nako' Dios bi žaz ḻažo'o da' bi nak chawe'.
5 Bi žo'o latje ḻa'gak benne' wen da' ẕinnj ka' ḻawo'.
6 Ẕchinnjo' ližgak benne' ka' žon ḻáže'gake'.
7 san neda' wak choa'a ližo' dan' nží'iḻe'elo' neda'.
8 Bsedle neda' gona' da' chawe' ḻawo' Le', X̱ana' Dios,
9 Benne' ki bi ẕnnágake' da' naken da' li.
10 Ben zi' benne' ka', Dios.
11 San yebéḻe'egekle benne' ka' žx̱en ḻáže'gake' Le'.
12 Gon cháwe'kzo' benne' chawe', X̱ana' Dios.