1 Yo'o yichj ḻáẕda'wa' diža' x̱tanḻe'e ka',
2 Nako' le' x̱tánle'eže ka yógo'te benne' ka'.
3 Bda' ya ntoche' chio' žoa'a ḻi'o, le', benne' waḻe,
4 Ḻo yeḻa' ẕen chio' zo' nbankzo'.
5 Zej nḻáḻe'egak yag ntóche'do' chio' ka',
6 Gan ži'o, Dios, žen' to chi'ize, na' sóatezen.
7 Nži'ilo' da' nak chawe',
8 Ẕḻa' ẕix̱ ẕa lano' ḻen da' ka' zej naken mirra, na' áloe, na' kasia, da' ka' ẕḻá'gaken ẕix̱.
9 Bi' no'le chegak benne' wnná bia' ka' zej zoabe' ladjw ẕo'lo' ka', no'le ka' zej nakže' blo.
10 Bze nag, nó'ledo', na' bwia nga, na' benle da' nnia'.
11 na' benne' wnná bian' dan ḻaže'e yeḻa' x̱tan chio'.
12 na' ḻa'gak no'le yež Tiro ka' ḻawo' le', zej noe'e da' gónngake' chio'.
13 X̱tanle'e nak bi' no'le che benne' wnná bian' ḻo yo'o gan zoe'.
14 Wché'gake'-be' ḻaw benne' wnná bian',
15 Ḻo yeḻa' žebele, na' ḻo yeḻa' ba nez wché'gakbe' ḻebe',
16 Ḻo latje chegak x̱a x̱to'o ka' soagak ẕi'no' ka'.
17 Gona' ga chejsá' ḻáže'gak yógo'te benne' ka' lo'.