1 ¡Le yebele ḻe'e, benne' chawe' ka', ḻaw X̱anžo Dios!
2 ¡Le wká'n ẕen Dios ḻen da' žinnle!
3 ¡Le goḻ chie' Ḻe' to da' kob!
4 Ḻi ḻaže' nak x̱tiža' X̱anžo Dios,
5 Ḻe' nži'ile' da' nak chawe', na' da' nak dot da' li.
6 X̱anžo Dios bene' ya'abá ḻen x̱tiže'e,
7 Ḻe' ẕtobe' nisdo', na' yeyonen' ka to ya'a nis.
8 Le žebe X̱anžo Dios, yógo'tele zoale yežlyó nga.
9 dan' bchaḻjze', na' gok yežlyón'.
10 X̱anžo Dios žone' ga žeyák dáche'ze diža' da' žongak benne' zi'to' ka',
11 san x̱tiža' X̱anžo Dios sóatezen.
12 Ba nez ẕen naken chegak benne' yežen' X̱anžon' nake' Dios chégake'.
13 Gan zoe' ya'abá chie' bwia X̱anžo Dios,
14 Gan zoe' latje la'y chie' bwie',
15 Ḻe' bene' yichj ḻáẕdo'gak yógo'te benách ka',
16 Bi yelá no benne' wnná bia' ni'a che benne' zante chie', benne' ka' žjake' ḻo wdiḻe,
17 Bi zoa no benne' yelé' ni'a che bžina' chie' ka',
18 X̱anžo Dios ẕwíakze' benne' ka' žébegake' Ḻe'.
19 nich yeslé' ḻégake' ḻo yeḻa' got,
20 Žx̱en ḻáže'žo X̱anžo Dios.
21 Che ḻen dot ḻáže'žo yebéḻe'elžo ḻawe' Ḻe',
22 Beyache' ḻaže'l neto', X̱anto' Dios, dan' žx̱en ḻáže'to' Le'.