1 Žx̱en ḻaža'a Le', X̱ana' Dios. Bi gono' ga yedoe'ela'.
2 Bze nag chi'a, na' gokḻen neda'.
3 Le' ẕzoa chochkzo' neda', na' žape chi'o neda'.
4 Bebéj neda' ḻo do yeḻj dan' bkwézgake' nich séngake' neda'.
5 Ẕdia' be' da' nakkza' ḻo no'o Le', X̱ana' Dios.
6 Bi de chawa'a benne' ka' ẕka'n ẕéngake' lo'a ka',
7 Yebéḻe'ela', na' soa' chawe' dan' nži'ilo' neda' na' ẕḻe'ekzlo' ẕzáka'ḻi'a.
8 Bi bdio' neda' ḻo na'gak benne' ka' ẕžá'agake' neda'.
9 Beyache' ḻaže'l neda', X̱ana' Dios, dan' ẕzáka'ḻi'a.
10 Dan' ẕde yeḻa' nban chia' ḻo da' ẕzáka'ḻi'a, ẕdia' yiz chia' ka' ẕbeže ḻaža'a,
11 Benne' ka' ẕžá'agake' neda' gon dítjgekle' neda',
12 Goḻ ḻáže'gake' neda' ka žóngake' che to benne' gat.
13 Ženla' da' ẕnnegak benne' zante chia',
14 san neda' žx̱en ḻaža'a Le', X̱ana' Dios.
15 Ḻo no'o Le' žape chi'o ža chia' ka'.
16 Ḻo yeḻa' ẕen chio' bwia neda', wen žin chio'.
17 Bi go'o latje yedoe'ela', X̱ana' Dios, dan' žḻiža' Le'.
18 Bnnita' ži benne' ka' žon ḻáže'gake', benne' ka' ẕnnégake' chegak benne' chawe' ka',
19 Ẕente nak yeḻa' ži'i ḻaže' chio' dan' napo'
20 Ḻo da' bagáche'ze gan zo' Le' ẕkache' chawo'o benne' chio' ka'
21 ¡Ga'n ẕen X̱anžo Dios!
22 Kate' gok da' bcheben neda' wnnía':
23 Le ži'il X̱anžon', ḻe'e nakle benne' chekze' Ḻe'.
24 Le gon choch ḻáže'le, ḻe'e žx̱en ḻáže'le X̱anžo Dios,