1 Wká'n ẕena' Le', Dios chia'.
2 Tža tža wká'n ẕena' Le'.
3 Ẕente nak X̱anžo Dios, na' nak chie' we ḻáwtezežo Ḻe'.
4 Yógo'te kwe' benne' chio' ka' yéngekle' da' beno' Le'
5 Wláb ḻaža'a ka nak yeḻa' ẕen che yeḻa' wak chio',
6 Yógo'te benne' ka' wcháljgake' ka nak yeḻa' wak che da' ẕente da' beno',
7 Wzéngekle' ljéžgake' ka' ka nak yeḻa' ži'i ḻaže' ẕen chio',
8 X̱anžo Dios nake' ži'i ḻaže',
9 X̱anžo Dios žon chawe'e yógo'te benne' ka',
10 Yógo'te da' ka' beno' wká'n ẕéngaken Le', X̱anto' Dios
11 Ẕcháḻjgake' ka ẕente nak yeḻa' wnná bia' chio'.
12 nich wzéngekle' yógo'te benne' ka' ka zej nak da' ẕente ka' da' beno',
13 Yeḻa' wnná bia' chion' sóatezen,
14 Nox̱w X̱anžo Dios yógo'te benne' ka' žejchégwgake'.
15 Yógo'te benne' ka' ẕbézgake' Le' gákḻeno' ḻégake',
16 Ḻo yeḻa' ži'i ḻaže' chio' ẕze no'o.
17 Chawe' nak X̱anžo Dios ḻo yógo'te da' žone',
18 X̱anžo Dios zóateze' gákḻene' yógo'te benne' ka' žḻížgake' Ḻe',
19 Gone' da' žak ḻáže'gak benne' ka' ẕžébegake' Ḻe'.
20 X̱anžo Dios žape chi'ikze' yógo'te benne' ka' zej nži'ile' Ḻe',
21 Dot ḻaža'a wká'n ẕena' X̱anžo Dios.