1 Ba nez ẕen naken chegak benne' ka' žóntezgake' da' naken dot da' li,
2 Ba nez ẕen naken chegak benne' ka' žóntezgake' ka žsedle diža' chie' žo'o,
3 Benne' ki batkle žóngake' da' ẕinnj,
4 Le', X̱anto' Dios, bzejni'ilo' neto',
5 Žak ḻáže'ḻi'a gónteza' kakze ẕnna x̱tižo'o,
6 na' batkle yedoe'ela',
7 Ḻo yeḻa' ḻi ḻaže' chia' wká'n ẕena' Le'
8 Gónteza' ka nak da' ka' ẕchi'lo' neto',
9 ¿Nakx̱ gak gon to benne' kwide' da' naken chawe'?
10 Dot ḻaža'a žon byena' gona' da' ẕnnakzo' Le'.
11 Ḻo yichj ḻáẕda'wa' žónteza' ka nak da' ẕnno' Le'
12 La'y nako' Le', X̱ana' Dios.
13 Ḻen žoá'akza' bzenla' benne' ka'
14 Žebéḻe'ežela' žónteza' ka žsedle diža' chio' neto',
15 Wláb ḻaža'a ka nak da' wnnakzo' Le',
16 Yebéḻe'ela' gona' ka nak da' ži'o neto',
17 Ben chawe' neda', wen žin chio', na' soa' nbana',
18 Bsaljw yej ḻawa' nich ḻe'ela'
19 Naka' ka to benne' ẕdaze' ḻo yežlyó nga.
20 Žedó ḻaža'a dan' dot ḻaža'a
21 Ẕdiḻo' benne' ka' ẕka'n ẕen kwíngake', benne' wen da' ẕinnj ka',
22 Bi go'o latje no benne' nne zi'e chia', na' wka'ne' neda' ka'ze,
23 Ḻezka' benne' wnná bia' ka' wnnégake' chia',
24 Da' žaz ḻaža'a naken da' žsedle diža' chio' neto',
25 Že' be' da' nakkza' zedle dan' zoa' gata'.
26 Bḻoe'ela' Le' da' žona', na' bezi'o neda'.
27 Bzejní'il neda' nich gak gona' da' ẕchi'lo' neto',
28 Žedó ḻaža'a dan' žak nyache' ḻaža'a.
29 Bi go'o latje gaka' benne' wen ḻaže',
30 Ben byena' gona' da' naken dot da' li,
31 Žónteza' ka žsedle diža' chio' neto'.
32 Gónteza' ka zej nak da' ka' wnnakzo' Le',
33 X̱ana' Dios, bsedle neda' nich gona' ka ẕnna x̱tižo'o,
34 Bzejní'il neda', na' gónteza' da' bchi'lo' neto',
35 Bḻoe'el neda' nich gona' da' wnnakzo' Le',
36 Ben ga chaz ḻaža'a gona' ka žsedle diža' chio' neto',
37 Bi go'o latje wká'n ẕena' lo'a ka'.
38 Ben ka ẕnna x̱tižo'o da' bchebe ḻažo'o chia' neda',
39 Bde cheḻa'ale da' ẕnnégake' chia', dan' ẕžeba',
40 Žak ḻaža'a gona' da' bchi'lo' Le' neto'.
41 Da, yeyache' ḻáže'lo' neda', X̱ana' Dios.
42 Žecheba' ḻaw bennen' ẕka'ne' neda' ka'ze, ẕnnia':
43 Ben ga sóateza' wchaḻja' diža' da' li chio',
44 Gónteza' kan ẕnna da' wnnakzo' Le'.
45 Lakza' neda' dan' ži'a wnné yoe
46 Wchaḻjkza' diža' chio' ḻawgak benne' wnná bia' ka',
47 Yebéḻe'ekzla' gona' da' wnnakzo' Le',
48 Žechebe ḻaža'a gona' da' bchi'lo' neto',
49 Bejsá' ḻaže' da' wchebe ḻažo'o chia' neda',
50 Katen' wẕáka'ḻi'a, wzóa to da' beyón ẕenen neda',
51 Benne' ka' ẕka'n ẕen kwíngake' ẕnnégake' chia',
52 Chejsá' ḻaža'a ka nak da' bchi'a ḻažo'o ža ni'te,
53 Ẕža'a neda', na že' zedla' ni'a chegak benne' ka' žóngake' da' ẕinnj,
54 X̱tižo'o naken to da' žoḻa'
55 Žel chejsá' ḻaža'a La la'y chio', X̱ana' Dios,
56 Gaken yeḻa' ba nez ẕen chia'
57 Da' ẕdan ḻaža'a nakkzo' Le', X̱ana' Dios.
58 Dot ḻaža'a ẕnnabla' Le' yido' gákḻeno' neda'.
59 Bwia' binlo ka zej nak da' ka' bena',
60 Ben byena', na' bi wžeḻ-la'
61 Do yeḻj chegak benne' wen da' ẕinnj ka' nžejen neda',
62 Žel žeyasa' na' ẕka'n ẕena' Le'
63 Naka' toze ḻen yógo'te benne' ka' ẕžébegake' Le',
64 X̱ana' Dios, nža' yežlyó yeḻa' žeyache' ḻaže' chio'.
65 Žon chawo'o neda', wen žin chio'.
66 Bsedle neda' da' nak chawe' nich chejni'ilan',
67 Néžwte ka bzex̱jo' neda' wdía' cheḻa'ale,
68 Nako' chawe', na' ẕnno' gon chawo'o neto'.
69 Benne' ka' ẕka'n ẕen kwíngake' wnnégake' chia' da' wen ḻaže',
70 Bi yo'o yeḻa' žejní'il ḻo ḻáẕdo'gak benne' ka'
71 Chawe' nak bzex̱jo' neda',
72 Nákḻe'eže chawe' da' bchi'lo' neda',
73 Ḻen na'kzo' beno' neda' káteze naka'.
74 Benne' ka' ẕžébegake' Le' ḻé'egekle' neda',
75 X̱ana' Dios, nnezla' nak chawe' kan ẕchi'a ḻažo'o,
76 Na'a ḻo yeḻa' žeyache' ḻaže' chio' beyón ẕen neda'
77 Beyache' ḻaže'l neda' nich soa' nbana'
78 Ben ga yedoé'egekle benne' ka' ẕka'n ẕen kwíngake',
79 Ben ga ḻa'gak benne' ka' ẕžébegake' Le', nich yéngekle' chia',
80 Ben ga gona' dot ḻaža'a ka ẕnna x̱tižo'o,
81 Že' zedle be' da' nakkza' dan' ẕbeza' ža yido' yesló' neda'.
82 Že' bxin yej ḻawa' dan' žénela' yenla' da' nno',
83 Ẕbiža' ka to že'e yid dan' naḻan' ḻaw yi',
84 ¿Balx̱ ža soa' nbana' neda', wen žin chio'?
85 Benne' ka' ẕka'n ẕen kwíngake' bché'ngake' to yežw gan chejbix̱a' neda'.
86 Yógo'te da' bchi'lo' Le' neto' naken dot da' li.
87 Yeláte'ze bétgake' neda',
88 Ḻo yeḻa' žeyache' ḻaže' chio' ben choch yichj ḻáẕda'wa',
89 X̱ana' Dios, to chi'ize zoa x̱tižo'o ya'abá na'le.
90 Yeḻa' ḻi ḻaže' chio' žinen chegak yógo'te kwe' benách ka'.
91 Ni'a che da' wnnakzo' zej nnita' yógo'te da' zej de,
92 Chela' bi wyáz ḻaža'a da' wnnakzo' Le'
93 Batkle gaḻ ḻaža'a da' bchi'lo' neto',
94 Beslá neda' dan' naka' neda' chio' Le'
95 Benne' wen da' ẕinnj ka' bwíagake' neda' nich gak wžía yí'gake' neda',
96 Ba bḻe'ekzla' ẕde chegak yógo'te da' zej de yežlyó,
97 Dios, nží'iḻe'ela' da' žsedlo' neto'.
98 Ni'a che da' bchi'lo' neto', beno' ga žejní'ižela' ka benne' ka' ẕžá'agake' neda'
99 Žejní'ižela' ka benne' ka' žsédgekle' neda'
100 Ba žejní'ižela' ka benne' gole ka'
101 Ben byena' bi be gona' da' bi nak chawe',
102 Bi bsana' žona' kan bchi'a ḻažo'o
103 X̱tižo'o naken ka to da' ẕix̱ḻe'e ḻo žoa'a.
104 Ni'a che da' wnnakzo' Le' naka' benne' sina'.
105 Ka to yi' nak x̱tižo'o gan ẕda',
106 Bzetja' La la'y chio', Dios, na' bchebe ḻaža'a
107 X̱ana' Dios, ẕzáka'ḻi'a.
108 X̱ana' Dios, žáta'yoela' Le' si'o da' žoe ḻawa' Le'.
109 Že' zédtezla' dan' zoa' gata',
110 Benne' wen da' ẕinnj ka' bzáljgake' do yeḻj nich senen neda',
111 Ba wžía' da' žsedle x̱tižo'o neda' nich gaken da' gápekza' to chi'ize,
112 Zoakze ḻáẕda'wa' gónteza' ka ẕnna x̱tižo'o
113 Bi ẕḻe'ela' chawe' benne' ka' ẕḻoé'ezele kwíngake' chawe',
114 Nako' Le' ka to yo'o gan ẕga'na' chawe', na' ka to da' žape chi'in neda',
115 Le kwas gan zoa', ḻe'e, benne' wen da' ẕinnj ka',
116 Ben choch neda' káteze ẕnna x̱tižo'o, na' soa' nbana',
117 Ben choch neda', na' la', na' chaz ḻáže'teza' x̱tižo'o.
118 Blej bchochj yógo'te benne' ka' bi žóngake' kan ẕnna x̱tižo'o
119 Yógo'te benne' wen da' ẕinnj ka' zej nake' ka bebe ḻo yežlyó nga.
120 Žẕize beḻa' žen chia' dan' ẕžeba' Le',
121 Žona' ka nak da' bchi'a ḻažo'o, da' naken chawe'.
122 Bchebe ḻažo'o chia' gon chawo'o neda'.
123 Gok yej ḻawa' dan' ẕbeza' yido' yesló' neda',
124 Ḻo yeḻa' žeyache' ḻaže' chio' ben chawe' neda',
125 Bzejní'il neda', wen žin chio',
126 X̱ana' Dios, ba bžin ža bi da' gono',
127 Che ḻen neda' nží'ižela' da' bchi'lo' neto',
128 Che ḻen žekla' záka'že da' wnnó' ka yógo'te da' de,
129 Žebanlto' ka žsedle diža' chio' neto'.
130 Kate' no benne' bi gak chejni'ile' x̱tižo'o, x̱tižo'o na'kze žsa'nín' ḻe'.
131 Wsalja' žoa'a, na' kwez ḻaža'a
132 Bwia neda', na' beyache' ḻaže'l neda',
133 Ben ga gónteza' ka ẕnna x̱tižo'o,
134 Beslá neda' ḻo na'gak benne' yichj ža'a ka',
135 Ben chawe' neda', wen žin chio',
136 Nis wžeža' goken ka to yegw nis
137 X̱ana' Dios, chawe' nako' Le',
138 Da' žsedle diža' chio' neto', dan' bdion' ḻo na'to',
139 Žedó ḻaža'a dan' žé'ḻi'a wnné yoe
140 Dot da' li nak x̱tižo'o,
141 Naka' gax̱jw ḻaže', na' ẕzóagake' neda' cheḻa'ale,
142 To chi'ize zoa da' ẕchi'a ḻažo'o,
143 Da' ẕzáka'ḻi'a, na' da' zede zej nox̱en neda',
144 To chi'ize nak ḻi ḻaže' da' žsedle diža' chio' neto'.
145 Dot ḻaža'a žḻiža' Le', X̱ana' Dios.
146 Žḻiža' Le'. Gokḻen neda',
147 Žasa' néžwte ka ža'ní', na' žḻiža' Le'.
148 Kate' ba goḻe, ẕbeja' yele yej ḻawa',
149 Ḻo yeḻa' žeyache' ḻaže' chio' benle chi'a.
150 Benne' ka' ẕbia ḻáže'gake' neda' zej nnita' góngake' chia' da' ẕinnj.
151 X̱ana' Dios, zo' Le' gawze gan zoa'.
152 Ža ni'te ba nónbi'a da' žsedle diža' chio' neto',
153 Bwia binlo ka ẕzáka'ḻi'a, na' beslá neda',
154 Bechebe ḻo wlaza' neda', na' beya'w neda'.
155 Zedḻe'e gak lagak benne' ka' žebéj yíchjgake' Le',
156 X̱ana' Dios, žeyache' ḻáže'ḻe'elo' benách chio' ka'.
157 Zanḻe'e zej nak benne' ka' ẕbia ḻáže'gake' neda', na' benne' ka' bi ẕḻé'egekle' neda' chawe',
158 Bi ẕḻe'ela' chawe' benne' ka' žebéj yíchjgake' Le',
159 Bwia nga, X̱ana' Dios, ka nži'ila' da' bchi'lo' neto'.
160 Dot da' li nak x̱tižo'o,
161 Benne' wnná bia' ka' ẕbia ḻáže'gake' neda', na' bi be bena' chégake',
162 Žebéḻe'ežela' ḻo da' ẕnna x̱tižo'o
163 Bi ẕḻe'ela' chawe', na' bi ẕzi'a da' wen ḻaže',
164 Tža tža žoe ḻawa' Le'
165 Ẕga'n cháwe'gac benne' ka' zej nži'ile' da' žsedlo',
166 X̱ana' Dios, ẕbeza' Le' yido' yesló' neda',
167 Dot ḻaža'a žónteza' da' žsedle diža' chio' neto',
168 Žónteza' ka ẕnna da' bchi'lo' neto', na' ka žsedle diža' chio' neto',
169 X̱ana' Dios, benle da' žḻiža' Le'.
170 Benle da' ẕnnaba' ḻawo' Le'.
171 We ḻáwteza' Le', X̱ana' Dios,
172 Wcháḻjteza' ka nak x̱tižo'o
173 Wzóateze gákḻeno' neda'
174 Žak ḻaža'a yesló' neda', X̱ana' Dios.
175 Ben ga soa' nbana', na' wká'n ẕena' Le',
176 Ẕdía' cheḻa'ale kan ẕda to ẕila' nnitlba'.