1 Kege kwinto', X̱anto' Dios, kege kwinto', san Le'
2 ¿Biẕ chen' ẕnnábgekle benne' zi'to' ka' neto'?
3 Dios chežo zoe' ya'abá.
4 Dios ka' chegak benne' zi'to' ka'
5 Zoa žoá'agaken, san bi ẕnnégaken.
6 Zoa nággaken, san bi žéngeklen.
7 Zoa ná'gaken, san bi be ẕtágaken.
8 Kan zej naken, nakgak benne' ka' béngake' lo'a ka',
9 Le wx̱én ḻaže' X̱anžon', ḻe'e, benne' Israel ka'.
10 Le wx̱én ḻaže' X̱anžon', ḻe'e, bx̱oz ka' che Dios, ḻe'e nakle ẕa'só Aarón.
11 Le wx̱én ḻaže' X̱anžon', nole ḻe'e ẕka'n ẕenle Ḻe'.
12 X̱anžon' žejsá' ḻaže'e žo'o, na' gon chawe'e žo'o.
13 Gon chawe'e benne' ka' žápegake' Ḻe' ba la'ne,
14 Gon X̱anžon' ga changak ẕi'nle ka',
15 X̱anžon' gon chawe'e ḻe'e.
16 Che toze X̱anžon' nak ya'abá,
17 Benne' gat ka' bi gak we ḻáwgake' X̱anžon',
18 san žo'o, benne' ban ka', wká'n ẕenžo X̱anžon', na'a ža, na' to chi'ize.