1 Dot ḻaža'a wká'n ẕena' X̱anžo Dios tẕen ḻen benne' chawe' ka',
2 Da' ẕenḻe'e zej nak da' ka' ben X̱anžo Dios,
3 Yeḻa' baní', na' yeḻa' ẕen zej nžagen da' žone' Ḻe',
4 Žone' ga žejsá' ḻáže'žo yeḻa' wak ẕente da' žone'.
5 Ẕwawe' benne' ka' ẕžébegake' Ḻe',
6 Bḻoe'ele' benne' chie' ka' yeḻa' ẕen che da' bene'.
7 Ḻi ḻaže', na' chawe' zej nak da' ka' žone'.
8 To chi'ize zóatezgak da' ka' bchi'le' žo'o.
9 Bsele'e to benne' weslá nich beslé' benne' chie' ka'.
10 Nich so ḻawžo gápežo yeḻa' žejni'ile, žon byene žébežo X̱anžo Dios.