1 ¡Le wká'n ẕen X̱anžon', dan' nake' Benne' chawe'!
2 Da' ni žaḻa' nnagak benne' ka' ba beya'w X̱anžon',
3 Bebeje' ḻégake' ládjwgak benne' yež zi'to' ka',
4 Baḻ benne' ka' wdágake' ḻe'e yix̱e' gan bi zoa nez,
5 Wdóngake', na' wbíḻgake',
6 Naž ḻo da' wẕáka'gake' bḻížgake' X̱anžon',
7 Bnnite'e ḻégake' to nez ḻi,
8 Žaḻa' we ḻáwgake' X̱anžon'
9 Ẕwe'je' benne' ka' ẕbíḻgake',
10 Baḻ benne' ka' wnníta'gake' ḻo da' choḻ, na' gan gok ẕož gátgake'.
11 dan' bží'igake' che x̱tiža' X̱anžon',
12 Bedó ḻáže'gake' ḻo žin zi'iḻe'e da' béngake'.
13 Naž ḻo da' wẕáka'gake' bḻížgake' X̱anžon',
14 Naž bebeje' benne' ka' ḻo da' choḻ, na' gan gok ẕož gátgake,
15 Žaḻa' we ḻáwgake' X̱anžon' dan' beyache' ḻáže'le' ḻégake'.
16 Bchinnje' dan' bséjwgaken benne' ka' da' zej naken ya bronse,
17 Baḻ benne' ka' wdá'gake' yižwé' ka',
18 Bgótgekle' da' že'j žáwgake', na' wzóagake' gátgake'.
19 Naž ḻo da' wẕáka'gake' bḻížgake' X̱anžon',
20 Ḻe' bseḻe'e x̱tiže'e chegak benne' ka', na' beyone' ḻégake',
21 Žaḻa' we ḻáwgake' X̱anžon' dan' beyache' ḻáže'le' ḻégake'.
22 Žaḻa' yé'gake' Ḻe': “Žóx̱keno'”,
23 Baḻ benne' ka' wdégake' ḻo nisdo' ḻo barkw ẕen ka',
24 Bḻé'egekle' da' ẕen ka' da' žon X̱anžon',
25 Wnnaze X̱anžon', na' wzó ḻaw žak be' bdone',
26 Wžengak barkw ka' ka ḻaw ya'a ẕen da' naken nisdo',
27 Bejchégwgake' na' bejlétgake' nile bejlétgake' na'le kan žongak benne' ka' želzožle',
28 Naž ḻo da' wẕáka'gake' bḻížgake' X̱anžon',
29 Ḻe' bzoa žie' be' bdone' dan' žaken,
30 Bebéḻe'egekle' dan' bga'n ži nis ẕgo'nen,
31 Žaḻa' we ḻáwgake' X̱anžon' dan' beyache' ḻáže'le' ḻégake'.
32 Žaḻa' wzéngekle' benne' ka' zej ndobe' chie' Ḻe' ka nak yeḻa' ẕen chie',
33 Ben X̱anžon' ga wbižgak yegw nis ka',
34 Gan goc yo ya'a beyonen' yo biž,
35 Gan nak yo biž beyonen' yo nis,
36 Bnnite'e benne' ka' ga na', benne' wdóngake',
37 Gózgake' yežlyón' na' bedá'gake' lba uba ka' ga na',
38 Dios ben chawe'e benne' ka', na' wyánḻe'egak x̱kwide' chégake' ka',
39 Kate' benne' wnná bia' ka' bsaka' zí'gake' benne' ka',
40 bka'n Dios benne' wnná bia' ka' ka'ze,
41 Beslé' benne' yache' ka' ḻo yeḻa' yache' chégake',
42 Kate' bḻé'egekle benne' chawe' ka' da' ki, na' bebéḻe'egekle',
43 Benne' sina' ka' žaḻa' wláb ḻáže'gake' che da' ki,