1 Senꞌ mzin wiz ni chan' pentecostes, reta xaꞌ jwanꞌ ndli lazonꞌ Jesús thita ten' nzi dop reta xaꞌ.
2 Zyasa xajta mbyen mdez ti bi toz mbroꞌ lo beꞌ, xaja ndyez ta nxyoꞌb mbi toza nde mze lenꞌ yo tenꞌ nzi ndob xaꞌ ngotey.
3 Nde xaja yaꞌ bela mbroꞌto re lo diꞌs, mblatoba yek kad thiba xaꞌ.
4 Nde reta xa' mdeꞌ Mbi Nayon, mdobte mni xaꞌ xa'xaꞌ re diꞌs, axaja ndaꞌ Mbi Nayona lo xaꞌ ni xaꞌ.
5 Lenꞌ yez Jerusalén nzigaꞌ re xaꞌ judí, re xaꞌ jwan' nxobyek toz re jwanꞌ ndli lazoꞌ xaꞌ, xaꞌ jwanꞌ mbroꞌ naꞌr toz re yez.
6 Senꞌ mbyen mxyoꞌb mbi toza, men toz tir mdyop nde reta xaꞌ mbwan, tak kad thiba xaꞌ nchen xa' xkiꞌs xa' jwanꞌ ndyodiꞌs re xaꞌ nzi tya.
7 Nde anta nzya lazoꞌ re men nde taja nzoyen xaꞌ, nchab xaꞌ lo ta xaꞌ:
8 ¿Cho kwan liy sa xkiꞌs naꞌ, diꞌs jwanꞌ ngol nonꞌ nchon naꞌ ndyodiꞌs xaꞌ?
9 Ncheꞌ nzi re men Partos, Medos, Elamitas, nde re na' nzo lo xyon Mesopotamia, Judea, Capadocia, Ponto, Asia,
10 xa' Frigia, Panfilia, Egipto nde re men lo xyon Africa gaxta yez Ciren, nde noga re men yez Rom xaꞌ jwanꞌ nzo ncheꞌ, men judí nde re xaꞌ jwanꞌ ngolal judí,
11 re men nzo lo xyon Creta nde Arabia. Mbyen naꞌ xkiꞌs naꞌ jwan mni xaꞌ, re yalnaro chanꞌ Dios.
12 Nde anta nzya lazoꞌ reta xaꞌ jwanꞌ toz nzoyen xaꞌ, nchab xaꞌ lo ta xaꞌ:
13 Leꞌ tipla xa', nxino xa' men ya, nchab xa':
14 Zyasa mdoli Pedr kon re siꞌ bthib xaꞌ nde ne mbrez Pedr, nchab Pedr:
15 Naꞌndyusta reta men re' ta xa ndli goꞌ xgaba, tak ben' tilꞌ naya.
16 Che'la jwanꞌ ta ndoyak naya, jwanꞌ reꞌ ta mdej profet Joel, senꞌ nchab xaꞌ:
17 Dios nchab, yoloba sen' yoxo'b wiz,
18 Nipa na lo go', lenꞌ re wiz ya, noga re mos na, xaꞌ biꞌ nde xaꞌ got,
19 Lo beꞌ tan yalnzoyen,
20 Leꞌ wiz na'toxnitra'y,
21 Nde reta men jwanꞌ nyeke' lo Xaꞌ Nyebeꞌ,
22 Reta go' mbi' men Israel, bin goꞌ re diꞌs reꞌ: Jesús, Xaꞌ yez Nazaret, Mbiꞌ mbloxo'bla Dios lo go', Xa' jwan' liga ngeno yalnyebe' por re jwanꞌ nzoyen men, re yalbzye nde re jwanꞌ mbloꞌ Dios, re jwanꞌ mbli Dios xij go' por Xa', ta xa mnela goꞌy.
23 Mbiꞌ ya jwan' mdayaꞌ men Xaꞌ lo re xaꞌ nak sinꞌ, axa nak xgab Dios nde thita ngok goꞌ kon re men naraxa sa leꞌga goꞌ mxen goꞌ Xaꞌ nde mdaya' go' Xa' lo re men narax sa mbij men Xaꞌ nde mkeꞌ men Xaꞌ lo kruz.
24 Leꞌga Xaꞌ ya, mbloꞌxban Dios Xaꞌ, naꞌmblayaꞌd Dios xaꞌ lo yoꞌb chanꞌ yalguj, tak yalguj naꞌnyeda ndenkeꞌy Xaꞌ.
25 Tak rey David mdej kwent chanꞌ Jesús, nchab xaꞌ:
26 Jwanꞌ nasa nale toz ngo lazoꞌn nde diꞌs nale mbroꞌ ron.
27 tak naꞌlaꞌd la na lenꞌ baꞌ,
28 Lu mbloꞌ lon xomod ban na,
29 ’Wes na, nambi toz nak jwanꞌ reꞌ, David xaꞌ gox lon' ngo pola, nguj xaꞌ nde mbwaꞌs xaꞌ nde banꞌ xaꞌ axta nawiz reꞌ benꞌ naxa ncheꞌ.
30 Leꞌ David ngok profet nde mne xa', leꞌ Dios mkeꞌyek lo xa' leꞌga lo bin xa' ryo' ti Xa' tyob nyebeꞌ tenꞌ ndob nyebeꞌ David.
31 Axta pola mdejla David, leꞌ Crist ryoꞌxban, jwanꞌ nasa nchab David, naꞌlaꞌd Dios Xaꞌ lenꞌ baꞌ nde nekla gàz belꞌ Xaꞌ.
32 Jesús re' jwan' Dios mbloꞌxban nde reta náꞌ mne ke ta naka.
33 Leꞌ naya, Dios, mbli naro Xaꞌ Jesús, mtob Xa' Jesús lad ban Xa', nde mkaya' Jesús Mbi Nayon, jwanꞌ ta mkeꞌyek Jesús tayaꞌ Xaꞌ lonꞌ nde naya mbla Xaꞌy yek reta náꞌ, jwanꞌna ta ngwiꞌ goꞌ nde nchon goꞌ naya.
34 Tak David nangwapta xaꞌ lo beꞌ, per nchab xaꞌ:
35 axta kebeꞌ lín sa re xaꞌ nayiꞌ loa ak xa' xis jwan' tyob nia.”
36 ’Re go' men Israel, mne go' leꞌga Jesús re', Xaꞌ jwanꞌ mkeꞌ goꞌ lo kruz, Dios mblilal Xaꞌ, Xaꞌ Nyebeꞌ nde Xa' mtelꞌ Dios.
37 Senꞌ lo mbin re men jwanꞌ reꞌ, mden' xa'y len' lazo' xa' sa mnabdiꞌs xaꞌ lo Pedr nde lo ti pla apóst, nchab xaꞌ:
38 Zyasa nchab Pedr lo re xaꞌ:
39 Tak jwanꞌ reꞌ nak jwan' mkeꞌyek Dios lo reta goꞌ nde lo re xinꞌ goꞌ, nde lo reta men ndo tij; nde noga lo reta men jwanꞌ ncholaꞌs Dios na' Xa' Nyebe' kwez Xaꞌ.
40 Kon di's re' nde masraꞌ di's jwan' mni Pedr nde mtoni Pedr xaꞌ, nchab Pedr:
41 Leꞌ re xa' ta mblí lazonꞌ diꞌs jwanꞌ mdej Pedr mbroꞌle xaꞌ nde ti son milka xaꞌ mbike wiz ya, lo re xaꞌ jwan' nzila.
42 Nde thiblaꞌ nxobyek xaꞌ re jwanꞌ ndloꞌ re apóst, thita nak re xaꞌ, sen' ncha xa' nde sen' ndyodiꞌsno xaꞌ Dios.
43 Nde axta mbixpa' xa' lo ngwi' xa' re yalbzye nde yalnaro jwan' ndli re apost.
44 Reta xaꞌ jwanꞌ ndli lazonꞌ Jesús thipta mbre xaꞌ nde thipta mdi'd xa' lo ta xa' re jwanꞌ mkeno xa'.
45 Mtho xaꞌ izyon xaꞌ nde re jwanꞌ ngeno xaꞌ, nde ngiꞌd xaꞌ tmi lo reta xaꞌ, axaja nak yalti jwanꞌ ngeno kad thiba xaꞌ.
46 Nde reta wiz thibla' ndyop xaꞌ tenꞌ ndob yodoꞌ, thita ncha re xa' liz ta xa', kon yalnale ngi'd xa' jwan' ncha xa', ngencho nabiz chan' na',
47 ndli naro xaꞌ le Dios, nde wen ngwiꞌ re mayez xaꞌ. Nde Xaꞌ Nyebeꞌ ndli sa re wiz ndola masraꞌ men xij xaꞌ, re men jwanꞌ lyaꞌ lo xken naꞌ.