1 Xránantu' Dios, ba cua ba cua,
2 Nédxudaute̱ ca za gunu' xi'a zri'a ca',
3 Dxu'u bénneache xelexaque̱' da gulaque̱',
4 Chiu' Lue' chi gaxúa iza zaj naca na ca neaje, da ba gudé na,
5 Dxegú' bénneache ca dxun guba'u,
6 Zaj naque̱' ca tu xixre' da dxegula na che zílala.
7 Dxebía xi'ntu' lawe' da dxezra'u netu'.
8 Dxenna'u ca da cale̱la da nuntu'.
9 Dxuzáchiu' iza chee̱ntu' lawe' da dxezra'u netu'.
10 Ca zaj naca zra naca bantu', zaj naca na ga xun chi iza,
11 ¿Nuzra núnbea xanne' ca naca xel-la' dxezrá'a chiu'?
12 Ble'e netu' ca láteze zaj naca zra chee̱ntu'
13 Xran, bexaca netu' tuze.
14 Tu tu zila bzua xichaj lázrdauntu' xel-la' zri'i lazre' chiu',
15 Be̱nna netu' zane' iza chee̱ bentu' ca zaj naca iza
16 Be̱ lataj netu', we̱n zrin chiu', le'entu' da zrente̱ da dxunu',
17 Xránantu' Dios, be̱n gaca chee̱ntu' da chawe' chiu'.