1 Za'a lau' Lue', Xran, chee̱ guxru' neda'.
2 Gúcale̱ neda', ne bselá neda' nen dute̱ da naca xrlátaje chiu'.
3 Nacu' ca tu xiaj xre naga sua' chawe', na' waca xida'
4 Dios chia', bselá neda' lu na' benne' ca' zaj nabéaj xíchaje̱' Lue',
5 lawe' da dxebeza lazra' Lue', Xrana' Dios.
6 Lue' núxruquezu' neda' gate gúlajtea'.
7 Belexebane benne' zante̱ ca naca chia',
8 Be̱n tu gul-lazqueza' da güe lá'ana' Lue',
9 Quebe guzú' neda' chalá'ala gate ba guxrúa'.
10 Benne' dxeledábague̱' neda' dxelenné̱' chia',
11 dxelenné̱': “Ba bsan Dios le̱'.
12 ¡Dios, quebe su' zitu' naga zua'!
13 ¡Be̱n xelexedué'ene̱'!
14 Neda' tu cueza lázrezqueza' Lue',
15 Guzenda' bénneache nacu' xrlátaje,
16 Tu guchálajzqueza' chee̱ da zrente̱ da be̱nu' Lue',
17 Dios, Lue' bsé̱denu' neda' gate nácatea' bidau'te̱.
18 Dios, quebe gusán lazru' neda' gate bache guxrúa',
19 ne ca naca da xrlátaje chiu', da naca na da zrente̱, Dios.
20 Lue' be̱nu' gudéa' lu da ste̱be zante̱, ne lu da cale̱la ca',
21 ¡Gucá'ana szrendxu' neda',
22 ¡Cá'anqueze güe lá'anaqueza' Lue', quínnia' da gul-lale̱na'!
23 ¡Sua' lu da ba neza gate gúl-laqueza' chiu' Lue',
24 ¡Tu guchálajzqueza' chee̱ da xrlátaje chiu' te zra chizrela,