1 Bze̱ naga, Xran, ca da dxuchálajle̱na' Lue',
2 Guzúa ban lazre', ne beche̱be chia'.
3 lawe' da benne' dxeledábague̱' neda' dxelenné̱' chia',
4 Dxe' gunne xue lázrdawa' lu be̱la' dxen chia',
5 Zua' lu xel-la' dxezrebe, ne dxezríztequeza',
6 Na' gunnía': ¿Nuzra gunna neda' xrila' ca xrila tu bsia
7 Da líqueze guzrúnnuja' zítu'la,
8 Guna' ba xuzre la' lu be' bdunu', ne lu be' wal-la.
9 Bzria xi' benne' ca' dxelune̱' da cale̱la, Xran.
10 Te zra chizrela dxeledé̱' lawe' ze'e da naxechaj na xe̱zre,
11 Nazrate̱ xe̱zre nigá da cale̱la da dxelune̱',
12 La guca tu benne' bénnea' dxedábague̱' neda',
13 Lue', bénnea', gucu' ca tu le sa' ljwezra'.
14 Tu zren bchálajdxu du lázredxu,
15 Dios, be̱n que̱la xel-la' gute benne' ca' dxelune̱'
16 Ca naca chia' neda', bláwizra' Dios,
17 Che zílala, ne wagubizra, ne ca dxebía gubizra
18 Xexá'awe̱' bénne'du xu'a lu wedil-la da dxaca chia' neda',
19 Wene Dios, na' guzría xí'queze̱' benne' ca'.
20 Guchisa na' benne' we̱n da zrinnaj chee̱ gu'e̱ benne' ca'
21 Dizra' bchálaje̱' zaj naca na dizra' zren lazre',
22 Bda xua chiu' cuzru Xránadxu, na' Le̱' gutipe̱' lazru'.
23 Lue', Dios, gunu' xelexú'u benne' ca' dxelune̱'