1 Dios chia', Dios chia', ¿bizr chee̱ na' nusán lazru' neda'?
2 Dios chia', dxuláwizra' Lue' te zra, ne quebe dxexeche̱bu' chia'.
3 Lá'azxa nacu' Lue'.
4 Xra xrtáuntu' gulebeza lazre̱' Lue'.
5 Bululáwizre̱' Lue', na' belelé̱'.
6 Neda' naca' ca tu be̱la' gúna'dau', ne quegá bénneache.
7 Xúgute̱ benne' dxelelé'e neda' dxelún le̱' chia'.
8 “Bzua cuine̱' lu na' Xránadxu chee̱ guselé̱' le̱'.
9 Lue' nacu' Bénnea' be̱xru' neda' gate gúlaja'.
10 Guxu'a lu na'u gate quebe ne gálajtea'.
11 Quebe xebigu' naga zua' lawe' da zua gágute̱
12 Zaj naxechaj benne' dxeledábague̱' neda' ca be̱zre ca'.
13 Gulaca lazre̱' xuluzría xi'e̱ neda'
14 Bebizre lazra' ca nisa da nalalaj na lu xu,
15 Bexaca xel-la' wal-la chia' ca tu xé'ena xu la'a,
16 Zaj naxéchaje̱' neda' ca becu' ca'.
17 Waca gulaba' ca naca zrita xu'a,
18 Belexelé̱'e̱ zra lana' late' weaj,
19 Quebe xebigu' naga zua', Xran.
20 Bselá bénne'du xu'a lu na' benne' gu'e̱ neda' xia.
21 Bselá neda' lu dxu'a be̱zre xixre'.
22 Guzenda' bi bícha'dau' ca' lau' Lue'.
23 Le'e, dxezrébele Xránadxu, le güe lá'ana Le̱'.
24 Quebe bzua Dios chalá'ala, ne quebe gucuídene̱'
25 Güe lá'anaqueza' Lue' laduj benne' zan zaj nazrague̱' lau'.
26 Xelagu benne' dxexruj lazre', ne welélajquezne̱'.
27 Cheajlesá lazre' benne' dute̱ xe̱zr la xu Xránadxu,
28 lawe' da xu'u lu na' Xránadxu xel-la' dxenná bea,
29 Xeláguqueze xúgute̱ benne' zren ca' chee̱ xe̱zr la xu nigá,
30 Zri'ine zre sua benne' ca' xelunbe' zrin chee̱ Xránadxu.
31 Xelezrine̱', ne xuluzenne̱' bénneache ca naca