1 Nazrí'ida' Lue', Xran.
2 Lue', Xran, nacu' ca tu xiaj naga ze̱ chúchua',
3 Wanné̱queza' Xránadxu Dios,
4 Guzúa' lu da ste̱be chee̱ xel-la' gute,
5 Guzúa' lu da ste̱be chu'a lataj ba xa'
6 Lu da zi' da xa' bláwizra' Xrana' Dios, ne gunné̱queza' Dios chia'.
7 Nadxa guzrú' lu xe̱zr la xu nigá.
8 Bdxuaj zren chee̱ xi' lu zrine̱',
9 Bzéxruje̱' da zria zran xabáa, na' bétaje̱',
10 Gudée̱' lu be' zrie̱' tu da nazí le na querubín.
11 Gúcue̱' da chul-la, da bcache na Le̱',
12 Lu da dxácatite legala chee̱' da xu'u lu beuj bza,
13 Zran xabáa gunné̱ guziu' chee̱ chi'i Xránadxu,
14 Bsane̱' xaga nalá xéche'ze chee̱' ca',
15 Nadxa belelá' da zaj de̱ lu situj chee̱ nísadau',
16 Bétaje̱' lu da sibe, ne bequé̱'e̱ neda'.
17 Bselé̱' neda' lu na' benne' wal-la dxeledábague̱' neda',
18 Buluzague̱' neda' gate na' zua' lu da sté̱bele̱'e̱,
19 Bebéaje̱' neda' naga xu'a, ne bzue̱' neda' tu lataj zren.
20 Xránadxu Dios bexunne̱' chia' cáte̱ze naca
21 lawe' da dxuna' ca da dxuse̱de Xrana' neda',
22 Dxuna' ca naca da dxenná bé'ene̱' neda',
23 Guca' li lazre' lau Le̱',
24 Chee̱ le̱ na' bexunna Xránadxu Dios chia'
25 Dxexache lazru' chee̱ benne' dxexache lazre̱' le sa' ljwezre̱',
26 Dxunu' da naca chawe' chee̱ benne' naque̱' chawe',
27 Guseláu' benne' zaj zue̱' lu da zi' da xa',
28 Lué'queze guzalju' xi' chia'.
29 Nen xel-la' waca chiu' guzría xi'a benne' zante̱
30 Li lazre' zaj naca da dxun Dios, na' du lazre' naca xrtizre̱'.
31 Tuze Xránadxu naque̱' Dios.
32 Dios naque̱' Bénnea' dxune̱' neda' benne' wal-la,
33 Dxune̱' ni'a ca zaj naca ni'a bzrina' xixre'
34 Dxusé̱dene̱' neda' chee̱ gaca cha'a lu wedil-la,
35 Lu xel-la' weselá chiu' bcu'uju' neda',
36 Be̱n chawu' neza naga tea',
37 Blaga' benne' dxeledábague̱' neda', na' xeajzrena' le̱',
38 Be̱na' benne' ca' we̱', na' quebe guca xelexase̱'.
39 Btipu' lazra' chee̱ cha'a lu wedil-la.
40 Be̱nu' buluzrunnuj benne' dxeledábague̱' neda' lawa',
41 Gulenné̱' nu benne' gácale̱ne̱' le̱' san quebe nu chilá'.
42 Bzúzruja' benne' ca' ca bxrte xu da dxua be'.
43 Bseláu' neda' lu na' benne' ca' dxeledábague̱',
44 Gate belenne̱' chia', na' buluzúe̱' xrtizra'.
45 Benne' zitu' ca' gulate ni'a ne̱'e̱,
46 Gaca ba lá'azxa Xránadxu Dios.
47 Naca Dios Bénnea' dxebéaj lazre̱' benne' dxeledábague̱' neda',
48 Naque̱' Bénnea' dxuselé̱' neda' lu na' benne' ca'
49 Chee̱ le̱ na' xeche̱ba' chiu', Xran, lau benne' xe̱zr la xu ca',
50 Dxun Dios dxenná bea bénnea' waláz chee̱',