1 ¡Dios, dxue lá'ana' Lue'!
2 lawe' da dxelenná benne' ca' dxelune̱' da cale̱la,
3 Lu xel-la' dxelecuide chee̱' zaj naxéchaje̱' neda',
4 Lácala bzri'ida' benne' ca', na'a dxeledábague̱' neda',
5 Lácala be̱na' neda' da chawe' chee̱ benne' ca', dxelune̱' chia'
6 Bzua tu benne' we̱n da zrinnaj chee̱ guchi'e̱ chee̱
7 Gate na' zri'a chee̱', be̱n gaca bea na zaj nabague̱' zria.
8 Bzache zra xelaca ban benne' ca',
9 Bca'ana zrí'ine̱' ca' bidau' we̱ze̱be,
10 Be̱n xelaca zrí'ine̱' bi dxeledaze chee̱ xelenábabe' guna',
11 Be̱n xelú'u da ca' zaj nape̱' lu na' bénne' ca'
12 Be̱n quebe nu zrel-la benne' xexache lazre̱' le̱',
13 Be̱n xelebía xi' zri'ine zre sua benne' ca',
14 Bsa lazre' ca da cale̱la da belún xra xrtawe̱', Xran,
15 Tu chí'izqueze bsa lazre' ca da cale̱la da zaj nune̱'.
16 lawe' da quebe xeleajsá lazre̱' xelexache lazre̱' le sa' ljwezre̱' ca',
17 Beledánene̱' da dxugú'u na de', na' da caníze guca na chee̱'.
18 De' da gulegú'e̱ bénneache guca na ca tu da gulacu cuine̱',
19 Tu chí'izqueze be̱n gaca na chee̱' ca xicha da dxelácue̱',
20 Gaca da nigá da quizruj Xránadxu Dios benne' ca'
21 Xrana' Dios, be̱n culuén chia' chee̱ xegá'ana'
22 ne lawe' da dxezaca zi'a, ne dxexázrjeda',
23 Dxedé chia' ca dxedé chee̱ tu zrul-la gate dxebía gubizra.
24 Dxelate zriba' lawe' da dxuna' gubasa,
25 Naca' ca tu da dxulucá'ana dítaje̱'.
26 Gúcale̱ neda', Xrana' Dios.
27 Be̱n xeleque be'ene̱' Lué'queze dxácale̱nu' neda'.
28 Dxelegu'e̱ neda' de', san be̱n Lue' gaca chawe' chia'.
29 Be̱n xelezrá' lu xel-la' stu' benne' ca' dxelenné̱'
30 Du lazra' gúl-laqueza' da güe lá'anale̱'a Xránadxu Dios.
31 Le̱' zue̱' cuita xabe̱la chee̱ benne' xache' ca'