1 Da líqueze naca da nigá: Che nu benne' dxezá lazre̱' gaque̱' benne' gusé̱dene̱' bi ca' chee̱ Cristo, tu zrin xrlátaje dxaca lazre̱' gune̱'.
2 Tu benne' dxusé̱dene̱' bi ca' chee̱ Cristo:
3 Quebe dxal-la' xé'aje̱' da guzuzre na le̱',
4 Dxal-la' nézene̱' nna be'ene̱' benne' zaj zre̱'e̱ lizre̱',
5 Che nu benne' quebe nézene̱' ájala nna be'ene̱' benne' zaj zre̱'e̱ lizre̱', ¿ájazra gune̱' gusé̱dene̱' bi ca' chee̱ Dios?
6 Benne' dxusé̱dene̱' bi ca' chee̱ Cristo quebe dxal-la' gaque̱' benne' za dxúnbeate̱ dizra' chee̱ Cristo, chee̱ quebe gucá'ana szren cuine̱', chee̱ quebe cuía xi'e̱ ca guzría xi' da xriwe̱'.
7 Cá'anqueze dxal-la' gaque̱' benne' nape̱' ba lá'ana láwela benne' quebe zaj naque̱' chee̱ Cristo, chee̱ quebe gata' lataj nu guzúa le̱' chalá'ala, na' chee̱ quebe chu'e̱ lu na' da xriwe̱'.
8 Cá'anqueze benne' ca' dxelácale̱ne̱' bi ca' chee̱ Cristo:
9 Dxal-la' xelapa xánnie̱' da zácale̱'e̱ chee̱ da dxeajlí lázredxu,
10 Dxal-la' guxúe xánnele ca dxeledé̱'.
11 Zru'ula benne' caní:
12 Tu benne' dxácale̱ne̱' bi ca' chee̱ Cristo dxal-la' súale̱ne̱' tuze nu'ula, ne dxal-la' nézene̱' nna be'ene̱' zrí'ine̱' ca', ne benne' zaj zre̱'e̱ lizre̱'.
13 Benne' ca' dxelácale̱ne̱' bi ca' chee̱ Cristo, che dxelune̱' cháwedau' zrin chee̱', welezrué'ene̱' xel-la ba lá'ana, na' xelezéquedxene̱' xuluchálaje̱' du lazre̱' ca dxeajlí lázredxu Jesucristo.
14 Dxebeza lazra' xídazequeza' xedajnná'a lue', na' dxuzúaja' chiu' da nigá
15 chee̱ chéajni'inu' che dxezreda', ca dxal-la' gunu' ládujla benne' ca' zaj nababe̱' chee̱ Dios, benne' ca' ba bláwizra Dios ban, ne zaj nuxru chache̱' da li, ne dxuluxúe xánnie̱' na.
16 Da li tu da zrente̱ naca da nigá ble'e Dios dxi'u ca naca da zéajle̱dxu: