1 ¡Rinná bëʼë Xanruʼ Dios! Taʼzxizi yúguʼtë bönachi.
2 Nayë́pisëtërëʼ Xanruʼ lu yödzö Sión,
3 Ral-laʼ ilaʼgúʼu Lëʼ yöl-laʼ ba yúguʼtë bönachi,
4 Nadxíʼi quézinuʼ le naca tsahuiʼ, Liʼ, Bönniʼ unná bëʼ nayë́pisë.
5 ¡Guliʼgún zxönëʼ Xanruʼ Dios!
6 Guláquiëʼ Moisés, en Aarón bixúz queëʼ,
7 Tu lu böaj bë́ʼlenëʼ légaquiëʼ didzaʼ.
8 Bubiʼu didzaʼ lógaca bönachi quiuʼ, Xantuʼ Dios.
9 ¡Guliʼgún zxönëʼ Xanruʼ Dios!