1 ¡Bicaʼ tsahuiʼ naca rigúʼutuʼ Liʼ yöl-laʼ ba, Xan,
2 en rusiyöntuʼ bönachi yuguʼ zila ca ruhuéchiʼ ládxuʼu netuʼ,
3 Rúl-latuʼ len yuguʼ bihuël-la,
4 Le zxön nunuʼ Liʼ, Xan, run ga rudzéjatuʼ,
5 Bicaʼ zxön nácagaca le nunuʼ Liʼ, Xan.
6 Zoa tu le cabí gaca inö́zinëʼ bönniʼ nazxí icjëʼ,
7 Nupa nucáʼanagaca Dios ilaʼyán ca taʼyán guíxiʼdoʼ,
8 tuʼ nayë́psëtëruʼ Liʼ tsaz, Xan.
9 Naca bëʼ le gaca quégaca nupa bitiʼ taʼléʼe Liʼ dxiʼa, Xan.
10 Nunuʼ ga nácatëraʼ nal-la ca nácabaʼ bëdxi.
11 Iléʼe quézidaʼ cateʼ uxicjuʼ nupa bitiʼ taʼléʼe Liʼ dxiʼa,
12 Ilaʼyán nupa nácagaca tsahuiʼ ca taʼyán yaga zinaʼ caʼ.
13 Nácagaca ca yaga nudáʼgacuʼ raʼ yuʼu lidxuʼ, Xan,
14 Cateʼ niʼ yúʼugaca iz zián ilaʼbía le zxixi quéguequi.
15 Caní gaca para gaca bëʼ náquiëʼ tsahuiʼ Xanruʼ, Nu run chiʼi nedaʼ.