1 Ruzë́ naguʼ, Xanaʼ Dios, en rubíʼu didzaʼ,
2 Ben chiʼi böʼ naca cazaʼ, Dios, tuʼ nacaʼ quiuʼ Liʼ.
3 Buzáʼ ladxiʼ quiaʼ, Xan,
4 Ben ga udzeja ládxaʼa nedaʼ, huen dxin quiuʼ,
5 Nacuʼ dxiʼa, Xan, en chizúʼ uniti loʼ bönachi quiuʼ.
6 Ruzë́ naguʼ le rulidzaʼ Liʼ, Xan,
7 Cateʼ bi gaca quiaʼ ulidzaʼ Liʼ,
8 Cúnturö nu zoa ládjagaca dios nu naca ca nacuʼ Liʼ, Xan,
9 Ilaʼdxín bönachi yúguʼtë yödzö naguixjuʼ Liʼ, Xanaʼ Dios,
10 Nayë́pisëtërösuʼ Liʼ, en tuzuʼ Liʼ runuʼ yuguʼ yöl-laʼ huáca zxön.
11 Busëdi nedaʼ ca naca le rë́ʼënuʼ gunaʼ, Xan.
12 Idú ládxaʼa guíaʼ Liʼ: “Xclenuʼ”, Xanaʼ Dios,
13 Nadxíʼideʼenuʼ nedaʼ,
14 Dios quiaʼ, nupa taʼdáʼbagaʼ nedaʼ taʼdíl-lalen nedaʼ,
15 Nacuʼ Dios ruhuéchiʼ ládxuʼu netuʼ, Xan, en ruzáʼ ládxuʼu queë́tuʼ.
16 Buyú nedaʼ, en buzáʼ ladxiʼ quiaʼ.
17 Buluíʼi nedaʼ tu le gaca bëʼ gaca dxiʼa quiaʼ,