1 Buliʼzë́ nágaliʼ le uzéajniʼidaʼ libíʼiliʼ, bönachi quiaʼ.
2 Usaljaʼ ruáʼa, en ucúdzuʼa didzaʼ.
3 tu didzaʼ chibiyönruʼ, en núnbëʼëruʼ,
4 Bitiʼ ucáchiʼruʼ didzaʼ naʼ lógacabiʼ zxíʼiniruʼ.
5 Gudixjëʼ tu didzaʼ naca bëʼ queëʼ Jacob,
6 para ilúnbëʼgacabiʼ le, biʼi siʼ záʼgacabiʼ, encaʼ biʼi siʼ iláljabiʼ,
7 Uluʼzxöni ládxiʼgacabiʼ Dios,
8 en bitiʼ ilácagacabiʼ ca guláquiëʼ xuz xtóʼogacabiʼ.
9 Yuguʼ zxíʼini xiʼsóëʼ Efraín guluáʼgaquiëʼ yaga uxitiʼ,
10 Bitiʼ gulaʼdáʼgaquiëʼ didzaʼ dzaga Dios bénlenëʼ légaquiëʼ,
11 Gulal-la ládxiʼgaquiëʼ yuguʼ le benëʼ Dios,
12 Benëʼ Dios le gulún ga buluʼbáninëʼ xuz xtóʼogaquiëʼ
13 Gusaljëʼ nísadoʼ, en benëʼ ga gulaʼdödëʼ gatsaj láhuiʼlö nísadoʼ naʼ.
14 Buluíʼinëʼ légaquiëʼ nöza lahuiʼ dza, bugunëʼ dxin tu böaj,
15 Bulë́ʼë tu guiö́j ga naca laʼ guixiʼ ga dë lataj,
16 Gulë́ʼajëʼ nisa yegu le gulén lu guiö́jtoʼo.
17 Laʼ níʼisö gulunëʼ dul-laʼ lahuëʼ Lëʼ,
18 Lu icja ládxiʼdoʼgaquiëʼ gulaʼzíʼ bëʼë Dios quégaquiëʼ,
19 Níʼirö gulaʼnnë́ʼ queëʼ Dios, gulaʼnnë́ʼ:
20 Buliʼyútsöcaʼ, bëʼë guiö́jtoʼo, ateʼ birúajdaʼ nisa,
21 Biyönnëʼ Xanruʼ Dios didzaʼ ni, en gulédeʼenëʼ,
22 tuʼ cabí gulaʼyéajlëʼë Dios,
23 Gunná béʼenëʼ Lëʼ yuguʼ böaj lúzxiba,
24 Gusö́l-lëʼë yöta maná le ilahuëʼ,
25 Gulahuëʼ bönniʼ niʼ yöta tahuëʼ gubáz que yehuaʼ yubá.
26 Benëʼ ga guyecja böʼ birúaj ga rilén gubidza,
27 Benëʼ ga böxaj bëlaʼ ca bëchtö yu ládjalö ga naʼ nacuʼë,
28 Benëʼ ga bö́xjagacabaʼ gatsaj láhuiʼlö ga naʼ nacuʼë,
29 Caʼ guca, gulahuëʼ, en buluʼhuö́laj gulaʼdzéʼenëʼ,
30 Zíʼalö ca budxi buluʼhuö́laj gulaʼdzéʼenëʼ,
31 gulénëʼ Dios légaquiëʼ,
32 Sal-laʼ guca caní, gulunrëʼ dul-laʼ,
33 Que lë ni naʼ benëʼ ga böáca nítisö dxin gulunëʼ,
34 Cateʼ bë́tiëʼ ziángaquiëʼ, níʼirö buluʼlidzëʼ Lëʼ.
35 Níʼirö yöjnéguequinëʼ náquiëʼ Dios Nu run chiʼi légaquiëʼ,
36 Gulaʼzíʼ yéʼenëʼ Lëʼ len didzaʼ guluʼë,
37 Bitiʼ gudáʼgaquiëʼ Lëʼ idú ládxiʼgaquiëʼ,
38 Tuʼ buéchiʼ ládxëʼë Dios légaquiëʼ,
39 Caʼ guca, yöjnenëʼ nácagaquiëʼ bönáchisö.
40 Zián luzuí gulaʼdáʼbaguëʼë Lëʼ ga naʼ naca laʼ guixiʼ,
41 Zián luzuí gulaʼzíʼ bëʼë Dios,
42 Bitiʼ yöjnéguequinëʼ yöl-laʼ huáca zxön queëʼ,
43 cateʼ niʼ benëʼ le gulaca bëʼ luyú Egipto,
44 cateʼ benëʼ ga böáca nisa rön yuguʼ lu yegu luyú Egipto,
45 Gusö́l-lëʼë ládjagaquiëʼ bö́tsugayu guizxi yu,
46 Budödëʼ le naz nuzóagaquiëʼ lu ruáʼagacabaʼ böchiʼ zu,
47 Busunítiëʼ yuguʼ lubá uva quégaquiëʼ len nisa guiö́j yöla sunna naʼ,
48 Bë́tiëʼ-baʼ böaʼ-bëdxi quégaquiëʼ len nisa guiö́j yöla sunna naʼ,
49 Lu yöl-laʼ rilé queëʼ gusö́l-lëʼë quégaquiëʼ yuguʼ lë ni,
50 Bitiʼ bubequi lahuëʼ quégaquiëʼ para cabirö lenëʼ légaquiëʼ,
51 en bë́tiëʼ yúguʼtëbiʼ biʼi bönniʼ lo quégaquiëʼ bönniʼ Egipto,
52 Guchë́ʼë bönachi queëʼ ca yuguʼ böʼcuʼ zxílaʼdoʼ,
53 Guchë́ʼë légaquiëʼ lu nëʼë para cabí bi iládxinëʼ,
54 Caʼ guca, guchë́ʼë légaquiëʼ ga zoa luyú láʼayi queëʼ,
55 Buláguiʼë bönachi izáʼa luyú ni lógaca bönachi queëʼ,
56 Le yúbölö gulaʼzíʼ bëʼë Lëʼ, en gulaʼdáʼbaguëʼë Dios nayë́pisëtërëʼ,
57 Buluʼhuö́a ládxiʼgaquiëʼ, en buluʼcáʼanëʼ Lëʼ ca gulunëʼ xuz xtóʼgaquiëʼ.
58 Gulún lenëʼ Lëʼ tuʼ gulunëʼ xilátjagaca budóʼ guiö́j budóʼ yaga yuguʼ lu guíʼa,
59 Cateʼ biléʼenëʼ lë ni Dios, gulédeʼenëʼ,
60 Níʼirö bucáʼanëʼ xilatjëʼ lu yödzö Siló,
61 Bëʼë lataj gulaʼchë́ʼë bönniʼ ziʼtuʼ guíʼina láʼayi queëʼ,
62 Budödëʼ bönachi queëʼ lu náʼagaca nupa bë́tigaca léguequi,
63 en gúquinëʼ ziʼ nupa nácagaca quez queëʼ.
64 Yuguʼ bixúz quégaquiëʼ gulátiëʼ lu guíë tuchiʼ,
65 Níʼirö gúquiëʼ Xanruʼ ca tu bönniʼ rubanëʼ lu yöl-laʼ rasi.
66 Buláguiʼë yuguʼ bönniʼ gulaʼdíl-lalenëʼ bönachi queëʼ,
67 Lëscaʼ budödëʼ tsöláʼalö yuguʼ zxíʼini xiʼsóëʼ José,
68 Gurö́ëʼ yuguʼ zxíʼini xiʼsóëʼ Judá,
69 Niʼ benëʼ tu lataj láʼayi queëʼ le naca ca tu guíʼa zxön,
70 Gurö́ëʼ caʼ David, huen dxin queëʼ,
71 Bubéajëʼ lëʼ ga naʼ rapa chiʼë-baʼ yuguʼ böʼcuʼ zxilaʼ gunáʼ,
72 Caʼ guca, idú ládxëʼë buyúëʼ David bönachi naʼ,