1 Ruzxöni ládxaʼa Liʼ, gácalenuʼ nedaʼ, Xanaʼ Dios.
2 para cabí soa nu cuéaj nedaʼ ca runbaʼ bëdxi guixiʼ,
3 Xanaʼ Dios, channö caní nunaʼ:
4 o channö bubiʼa döʼ que nu gúcalen nedaʼ,
5 bëʼ lataj soa reguʼ nedaʼ nu naʼ bitiʼ riléʼe nedaʼ dxiʼa, en ucul-la nedaʼ.
6 Lu yöl-laʼ rilé quiuʼ guyasa, Xan.
7 Ben ga uluʼdubi quiuʼ yúguʼtë bönachi,
8 Ruchiʼa rusörö́uʼ quéguequi yúguʼtë bönachi, Xan.
9 Ben ga udxi que le xihuiʼ tun nupa tuáʼ döʼ,
10 Naca cazëʼ Dios Nu run chiʼi nedaʼ.
11 Dios ruchiʼa rusörö́ëʼ queëruʼ ca naca le naca tsahuiʼ,
12 Channö cabí uluʼbíʼi ladxiʼ bönachi, utuchëʼ guíë tuchiʼ queëʼ.
13 Chinupë́ʼë yuguʼ le rudíʼinëʼ lu gudil-la,
14 Buyútsöcaʼ, riguínnaj icjëʼ bönniʼ ruʼë döʼ le xihuiʼ gunëʼ.
15 Nachö́ʼönëʼ ga rëʼ tu yeru zxön ga nu ibixi,
16 Budxín laʼ queë́zëʼ döʼ naʼ biʼë,
17 Guíaʼ-nëʼ Xanruʼ: “Xclenuʼ” tuʼ náquiëʼ tsahuiʼ,