1 Bitiʼ ilenuʼ nedaʼ, Xan, en bitiʼ uzenuʼ nedaʼ bach.
2 Ben ziʼu nedaʼ, en budxíuʼ nedaʼ huëʼ.
3 Yuʼa yödzöhuë́ʼ zxön tuʼ rilenuʼ nedaʼ.
4 Xiguiaʼ nabágaʼa naca ca tu nísadoʼ ga ruchicjaʼ nisa.
5 Tuʼ benaʼ yuguʼ le cabí naca dxiʼa,
6 Narecjiʼ cúdzaʼa, en nagáʼanaʼ cáʼasö.
7 Idútë le nacaʼ yúʼudaʼa xilá,
8 Rudú ládxaʼa, en ricuídiʼdaʼ.
9 Nöz quézinuʼ Liʼ, Xan, le rizë́ ládxaʼa,
10 Richunchu ládxiʼdaʼahuaʼ, en ricuidiʼ ládxaʼa,
11 Bítiʼrö taʼdzaga nedaʼ yuguʼ luzáʼa, en yuguʼ bö́chaʼa, tuʼ nözi xihuëʼa,
12 Nupa të́ʼëni iluti nedaʼ taʼbequi le ilaʼzö́n nedaʼ,
13 Nacaʼ ca tu bönniʼ nacö́dzuëʼ, en bítiʼrö riyöndaʼ.
14 Nacaʼ ca tu bönniʼ bítiʼrö riyönnëʼ,
15 Tuzuʼ Liʼ ruzxöni ládxaʼa, Xan.
16 Bitiʼ guʼu lataj uluʼdzeja niʼa que le raca quiaʼ.
17 Chizóaʼ tsöjbixaʼ,
18 Que lë ni naʼ rixóalëpaʼ xiguiaʼ nabágaʼa,
19 Nacuáʼ dxiʼa, en nál-lagaca nupa téqui nedaʼ ziʼ.
20 Taʼdáʼbagaʼ nedaʼ nupa tuʼbíʼi le cabí naca dxiʼa que nu run le naca dxiʼa.
21 Bitiʼ usán noʼo nedaʼ, Xan.
22 Gudáchi gácalenuʼ nedaʼ, Xan,