1 ¡Guliʼcuʼë yöl-laʼ ba Xanruʼ!
2 Runëʼ Xanruʼ Dios ga rizxö́n yödzö Jerusalén.
3 Ruúnëʼ bönniʼ nácagaquiëʼ yechiʼ ladxiʼ,
4 Rulabëʼ tsca nacuáʼ bölaj lúzxiba.
5 Nayë́pisëtërëʼ Xanruʼ Dios, en nál-latërëʼ.
6 Xanruʼ Dios rácalenëʼ nupa taʼguíʼi taʼzacaʼ.
7 ¡Guliʼgul-la queëʼ Xanruʼ Dios, guië́liʼ-nëʼ: “Xclenuʼ”!
8 Riguísiëʼ yuguʼ böaj lúzxiba,
9 Rugahuëʼ yuguʼ böaʼ guíxiʼdoʼ,
10 Bitiʼ raza ládxëʼë yöl-laʼ nál-la queë́baʼ böaʼ,
11 Raza ládxëʼë Xanruʼ Dios nupa tadxi Lëʼ,
12 ¡Guliʼcuʼë yöl-laʼ ba Xanruʼ, libíʼiliʼ zóaliʼ Jerusalén!
13 Bucuʼë tsutsu le tuʼbagaʼ gapa nu riyaza yödzö queë́liʼ,
14 Runëʼ ga ribö́zaliʼ dxiʼa tsáhuiʼdoʼ,
15 Rinná béʼenëʼ yödzölió ni,
16 Risö́l-lëʼë guiö́j böguiʼ ca zxilaʼ,
17 Riguísiëʼ böguiʼ ca yuguʼ guiö́j ruaj.
18 Risö́l-lëʼë xtídzëʼë, ateʼ ruúnaʼ böguiʼ naʼ.
19 Ruíʼilenëʼ zxíʼini xiʼsóëʼ Jacob didzaʼ,
20 Bitiʼ benëʼ caní niʼa quégaca bönachi iaʼtú yödzö izáʼa,