1 ¡Guliʼguíëʼ Xanruʼ: “Xclenuʼ” tuʼ náquiëʼ dxiʼa,
2 Ral-laʼ ilaʼnná caní nupa naʼ buáʼuëʼ Xanruʼ,
3 en nubéajëʼ léguequi zián lu yödzö izáʼa,
4 Bal-lëʼ gulaʼdë́ʼ nanítigaquiëʼ laʼ guixiʼ ga dë lataj,
5 Gulaʼdunëʼ, en gulaʼbidxëʼ nisa,
6 Níʼirö lu lë naʼ raca quégaquiëʼ buluʼlidzëʼ Xanruʼ,
7 Guchë́ʼë légaquiëʼ tu laʼ nöza tsahuiʼ,
8 Ral-laʼ ilë́ʼ Xanruʼ: “Xclenuʼ” tuʼ nadxíʼinëʼ légaquiëʼ,
9 Ruguiʼjëʼ nupa taʼbidxi ladxiʼ,
10 Bal-lëʼ gulaʼcuʼë ga chul-la, en ga zoa bönadxi ilátiëʼ.
11 tuʼ gulaʼdáʼbaguëʼë xtídzëʼë Xanruʼ Dios,
12 Tuʼ gulunëʼ bayúdx dxin, gudú ládxiʼgaquiëʼ.
13 Níʼirö lu lë naʼ raca quégaquiëʼ buluʼlidzëʼ Xanruʼ,
14 Bubéajëʼ légaquiëʼ ga naʼ gulaʼcuʼë ga chul-la,
15 Ral-laʼ ilë́ʼ Xanruʼ: “Xclenuʼ” tuʼ nadxíʼinëʼ légaquiëʼ,
16 Ruquínnajëʼ le táʼbagaʼ gapa nu riyaza lidxi guíë le néquiniguequi guíë bronce,
17 Bal-lëʼ gulaʼguíʼi gulaʼzáquëʼë tuʼ gulaʼdáʼbaguëʼë Dios,
18 Gulaʼgútiʼnëʼ bítiʼtës laʼ huagu,
19 Níʼirö lu lë naʼ raca quégaquiëʼ buluʼlidzëʼ Xanruʼ,
20 Gusö́l-lëʼë quégaquiëʼ xtídzëʼë, en bunëʼ légaquiëʼ,
21 Ral-laʼ ilë́ʼ Xanruʼ: “Xclenuʼ” tuʼ nadxíʼinëʼ légaquiëʼ,
22 Ral-laʼ ilë́ʼ Dios: “Xclenuʼ”, en bi uluʼnödzjëʼ queëʼ,
23 Bal-lëʼ gulaʼdödëʼ lahui nísadoʼ yuguʼ lu barco zxön,
24 Bilaʼléʼenëʼ yuguʼ le nunëʼ Xanruʼ,
25 Bë́ʼësëʼ didzaʼ, ateʼ guyecja böʼ budunuʼ,
26 Gulaʼyasa barco ca tu lu guíʼadoʼ nisa,
27 Gulaʼzxíziëʼ, en yöjchéguʼgaquiëʼ ca bönniʼ taʼzúdxinëʼ,
28 Níʼirö lu lë naʼ raca quégaquiëʼ buluʼlidzëʼ Xanruʼ,
29 Benëʼ Dios ga guzóa dxisö böʼ budunuʼ naʼ recja,
30 Buluʼdzéjanëʼ tuʼ guzóa dxi lu nísadoʼ,
31 Ral-laʼ ilë́ʼ Xanruʼ: “Xclenuʼ” tuʼ nadxíʼinëʼ légaquiëʼ,
32 Ral-laʼ uluʼluʼë lahui yöl-laʼ zxön queëʼ ga nudúbigaca bönachi queëʼ,
33 Runëʼ Xanruʼ Dios ga tuʼhuíʼi dërö yuguʼ yegu,
34 Ga naca yu yaʼa runëʼ ga ruhuöáca yu bidxi,
35 Ga naca yu bidxi runëʼ ga ruhuöáca yu nabisa,
36 Niʼ ruʼë lataj ilaʼcuáʼ nupa taʼdún
37 Tazëʼ yuguʼ le tazëʼ, en tuʼdë́ʼë yuguʼ lubá uva,
38 Runëʼ Xanruʼ ga raca dxiʼa quégaquiëʼ,
39 Cateʼ yuguʼ bönniʼ unná bëʼ ziʼtuʼ tuʼzxicjëʼ bönachi queëʼ,
40 rucáʼanëʼ Dios bönniʼ naʼ dë lu náʼagaquiëʼ cáʼasö,
41 Rusölë́ʼ yuguʼ bönniʼ yechiʼ lu le taʼguíʼi taʼzáquëʼë,
42 Taʼléʼe lë ni nupa nácagaca tsahuiʼ, en tuʼdzeja,
43 Nupa taʼyéajniʼi ral-laʼ saʼ ládxiʼgaca ca nácagaca lë ni,