1 ¡Guluʼë yöl-laʼ ba Xanruʼ, liʼ, böʼ naca cazaʼ!
2 ¡Nusubagaʼ cuinuʼ beníʼ ca zxoʼ nacu cazuʼ,
3 Naguixjuʼ xilataj lidxuʼ lahui nisa dë xitsáʼalö.
4 Rugunuʼ dxin böʼ raca ca tu gubáz quiuʼ,
5 Nuzúʼ tsutsu luyú ni lu xilibi,
6 Gudixjuʼ nisa zxön luyú ni ca tu lariʼ nabagaʼ le,
7 Buzenuʼ le bach nisa naʼ, ateʼ burúaj,
8 Gurén yuguʼ lu guíʼa, en bötaj ga naca raʼ yegu,
9 Gudixjuʼ buzáʼ que nísadoʼ ga bitiʼ gaca tödi.
10 Runuʼ ga ralaj beaj yuguʼ lëʼe guíʼadoʼ,
11 Yudzu yuguʼ yegu naʼ nisa të́ʼajbaʼ böaʼ guixiʼ,
12 Yuguʼ raʼ yegu rö́ʼögaca yaga ga tuʼdxíabaʼ biguínnidoʼ xcáʼagacabaʼ,
13 Rigúʼu nisa guiö́j quiuʼ yuguʼ lu guíʼa,
14 Runuʼ ga rizxö́n yö le tágubaʼ böaʼ bëdx,
15 en xisi uva le run ga tudzeja ládxiʼguequi,
16 Tuʼzíʼ xibé nisa guiö́j yaga cedro dzöʼö lu guíʼa Líbano,
17 Niʼ tuʼdxiabaʼ biguínni xcáʼagacabaʼ,
18 Nunuʼ Liʼ yuguʼ guíʼa sibi ga dzö́ʼöbaʼ bdxinaʼ guixiʼ,
19 Benuʼ beoʼ le naca bëʼ yuguʼ beoʼ que iz,
20 Benuʼ chiʼi dzö́ʼölö, en cateʼ naca chul-la
21 Taʼbö́dxiʼabaʼ bëdxi guíxiʼdoʼ, taʼzóa réguʼbaʼ le ilaʼzönbaʼ.
22 Cateʼ rilén gubidza tuʼdxinbaʼ lídxigacabaʼ,
23 Níʼirö taʼrúaj bönachi söjaca huen dxin,
24 Xan, ziántërö yuguʼ le nunuʼ Liʼ.
25 Niʼ zoa nisa nácatërö zxön,
26 Niʼ taʼdödi barco zxön,
27 Yúguʼtëbaʼ taʼbö́zabaʼ Liʼ,
28 Rugaguʼ légacabaʼ, ateʼ tágubaʼ.
29 Cateʼ ruhuecjuʼ quiuʼ, tádxibaʼ,
30 Cateʼ rigúʼu légacabaʼ böʼ, nabángacabaʼ.
31 ¡Ral-laʼ gácaticaʼsö yöl-laʼ ba queëʼ Xanruʼ!
32 Ruyúëʼ Xanruʼ luyú, ateʼ rizxizi.
33 ¡Gul-laʼ queëʼ Xanruʼ yúguʼtë dza soaʼ ibanaʼ!
34 ¡Zxixi naca le rizáʼ ládxaʼa ca naca queëʼ!
35 Ilaʼnítiëʼ bönniʼ dul-laʼ nacuʼë yödzölió ni,