1 ¿Bizx que zuʼ ziʼtuʼ, Xan?
2 Lu yöl-laʼ run ba rahui quégaca nupa tuáʼ döʼ
3 Run ba zxön cuinëʼ bönniʼ ruʼë döʼ ca naca le xihuiʼ rizë́ ládxëʼë.
4 Lu yöl-laʼ run ba zxön cuinëʼ bönniʼ huíaʼ döʼ bitiʼ ruíʼi ládxëʼë Dios.
5 Ruziʼë xibé yúguʼtë le runëʼ.
6 Rëʼ laʼ cuinsëʼ: “Gatga ichíxidaʼ.
7 Didzaʼ ruʼë nácagaca le rudxía döʼ, encaʼ le rizíʼ yëʼ, en le rudidzaʼ yudxi yuguʼ luzë́ʼë.
8 Rucachiʼ cuinëʼ yuguʼ lu yödzö.
9 Ribözëʼ ga naʼ nucachiʼ cuinëʼ ca runbaʼ bëdxi guixiʼ.
10 Riguinëʼ luyú nu naʼ nazönëʼ.
11 Rëʼ laʼ cuinsëʼ: “Nal-la ládxëʼë Dios.
12 ¡Guyasa, Xan!
13 ¿Bizx que bönniʼ naʼ ruʼë döʼ nuzóëʼ Dios tsöláʼalö?
14 Liʼ biléʼe quézinuʼ lë ni, Xan.
15 Bugúa yöl-laʼ unná bëʼ quégaca nupa tuáʼ döʼ, en nácagaca xihuiʼ.
16 Inná bë́ʼticaʼsëʼ Xanruʼ Dios.
17 Ruzë́ naguʼ, Xan, le taʼnábini Liʼ nupa nácagaca doʼ ladxiʼ.
18 Ruchiʼa rusörö́uʼ quégaca nupa nácagaca uzëbi,