1 Wlipaa na koree, os lee thib zha nlaaz gak zha gol kuu nabee lo re zha kuu nyelaaz Jesús, kwathoz wen kuu ntsow zha xgab tsow zha.
2 Kona lee re zha kuu nak zha gol kuu nabee lo re zha kuu nyelaaz Jesús, ndoblo gak zha:
3 Ndoblot gak zha, zha gwiy,
4 Ndoblo gak zha thib zha kuu nzhaak nabee lize,
5 Tak os lee zha gagt zha nabee zha liz zha, ¿xomod nabee zha lo re zha kuu nyelaaz Jesús?
6 Kona lee zha kuu nabee lo re zha kuu nyelaaz Jesús, ndoblot gak zha thib zha kuu penta ngwalaaz Jesús, tak cha tsow yalrub gan lo zha, ne la zha lo kuu went ta mla Maxuuy, ne naab Diox kwent lo zha, taxal mtsow Diox lo Maxuuy.
7 Noga ndoblo gak zha thib zha kuu ndediz wen re zha kuu nyelaazt Jesús, tsa thoyt zha lo re men, ne lat zha lo kwa chaan Maxuuy.
8 Leeka tata, ndoblo gak re zha kuu ntsow ayud re zha kuu nyelaaz Jesús:
9 Ndoblo yelaaz zha Jesucrist taxal mloo Diox lo reʼaa,
10 Ner ner ndoblo tsow zha thib tsiin, os lee zha wen tsow zhay, os neeka thib men gabt lee zha went mtsowe, tsaraa ndoblo gak zha thib zha kuu tsow ayud re zha kuu nyelaaz Jesús.
11 Ne leeka tata ndoblo gak re ngot:
12 Ne reta zha kuu ntsow ayud re zha kuu nyelaaz Jesús ndoblo tenzhee gak zha:
13 Tak lee re zha kuu ntsow ayud re zha kuu nyelaaz Jesús kuu wen ntsow rtsin, ntsow zha gan wen ndediz re men zha, ne tabaa tak taa zha kwent chaan Jesucrist kon dib ndroo leettsoo zha lo re men, tsa yelaaz re men Jesucrist.
14 Ngekeen re koree loʼa; tegal ndakʼn mera yatwiin loʼa,
15 tsa os leen tsan na, ndoblo neʼa naa xomod tsowa lo re zha kuu nyelaaz Jesús, re zha kuu nak zhiinn Diox kuu naban. Lee re zha Jesús nak taxal thib yato kuu nden yuu tsa ney nay, ne ntsow re zha tsa tseet re men kuu wli chaan Jesús.
16 ¡Kona kwathoz naro nak kuu ngogaats, kuu mloo Diox lo reʼaa zha kuu nyelaaz Jesucrist! Kona tenzhee niʼaa: