1 Sya AMISY, Winyirati Amisy Nyo mangke rasakinavo vatano mamune mai,
2 Amisy Winyirati Nyo mamaisye rapatimu mine so rai, syare wimbeseo!
3 Sya AMISY, ntoa nandui rati umba nsopija?
4 Wenawamo awa ayao mbe manayambe muno manuga rararino rai,
5 Sya AMISY, vatano mamune so wo Nya kawasae matawanto,
6 Wo wanya kavini muno arikainyo wawate maubaisy,
7 Muno wo raura tavon ware: ‘‘AMISY Opamo Po raene ramu,
8 Inya, akari weapi wapantatukambe no vatane awa yasyine weap, syare wapo raraniv!
9 Amisye Wepi Po vatane mansamarikoame ranari, weti ayao kakaijo wapo ratore mamo Po ranaun ivae.
10 Wepi Po vatano susyo Yahudi jewene manayao, weti indati Po mangke raude wasai tavon aje!
11 AMISY Po vatane awa ana wo ratantona mamo Po raen bintabo;
12 Kove ngkov irati vatano AMISY Winyo manayao indamu ubeta Naije mai,
13 Indati Nyo mansapaya irati ana nsosobe rai weti una mariraave,
14 Weye AMISY Opamo akirive Apa kawasae mansai ramu,
15 Arono naije indati patimu akari wo raugaje mamo mamaisyo Amisye Apa moyare rai jakato,
16 Are pirati indati be marimbe rinai irati vatano mamune mai?
17 Ranivara AMISY Po rinayaranande jewen datire,
18 Arono syo ratantona syare kavintare ritandupuisy ti temaje,
19 Ranivara rinanuga mamaun,
20 Akari mamuno wo patimu mamaisye jewene raugaje nanawamo Amisy winaijaro matavone ramu,
21 Wenawamo wanyinyaube ware umarovave vatano ubeta Amisye Ai mai,
22 Weramu AMISY Opamo sya yano oram no rinaora pije,
23 Wepi indati Po mangke rasakinav akananto akari mamune mai mamaisyo awa ayao kakaije rai,