1 Sya AMISY, Wibuinyirati syakaore gaugambe Nai,
2 Amisy, Winyamo Nya ana ndave moyar, weti syare Nyo rinapaya irati kakai rai.
3 Syare Winyirati maisyare unato oram ntindimu inamamavube Nai,
4 Sya Amisy, syare Nyo rinapaya irati vatano mamune mansaneme rai,
5 Weye Akoe Winy, Wibuinyirati inanaveano namen.
6 Winy irati isaroro Nai, arono rino no ingkoa ranobon ti rinavaki aje kobe we ndea naiso,
7 Winyirati ntindimu ti rigaugambe Nai,
8 Rikangkamambe Winai tutir,
9 Vemo Nyo rinavakambe no ibe vatan anuive so inya,
10 Weye sya marova wanugan wayao inai,
11 Wo raura ware: ‘‘Amisye aneme mpaya ai to,
12 Amisy, syare vemo winggwaravainyo rinai nora!
13 Koveamo Nyo sya marova mave samaneve muno Nyo maupaeta ramu makanive,
14 Yara risyamo Wibuinyirati inanaveano namen,
15 Nya ana ndaveti mamaisy muno moyar,
16 Sya Akoe AMISY Winy, rikangkamambe Nya ana ndaveti makokoive rai,
17 Sya Amisy, Winyo rinanyao no arono ta rikamuramoe ndea naiso,
18 Sya Amisy, inakarivuinye nsavu muno imaun kobe so,
19 Sya Amisy, Nya moyare mamo ntitito rave no naume warae.
20 Winyo anakotaro nsosobe manui ramayaro nande rinai,
21 Indati Winyo sya tame raveti manakoe,
22 Sya Amisy, Winyamo nteto Nya urairi rai tutir,
23 Rinanayanambe gwain kinyo ransyerane rai,
24 Rinawa so mo Nya moyare ravovo masyote anteter,