1 Kove raura AMISY Ai, weye Opamo ko dave!
2 Kove raura Amisye Ai, Opi titi rave anawayo kotaro vatane wo masyanive makivan bintabo!
3 Kove raura Akoe Ai, Opi akarijo titi Po akari titi makivan tenambe!
4 Kove raura AMISY Ai, Obo pirati bambunin Po anainamo manakokoe raroron!
5 Po naume ranari jirati Apa ana datantona ntiti rai!
6 Opirati Po mine so raneka no mana ama vone rai!
7 Wepi Po anakotaro ama vare manakokoe ranari no naume rai.
8 Uma baro sansimane rai.
9 Embae muno tume mbaro namane rai.
10 Kove raura irati Amisye Ai, Opi po arikainyo anui Mesir mao tenambe.
11 Wepi Po vatano Israel maugav uje no munijo Mesir raora.
12 Po maugav uje irati Apa vambunino manakoe rai.
13 Kove raura irati Ai, Wepi Po Mayano Kolsum raotar ti mbe jirumbe.
14 Wepi Po kawasae Israel maugav ti wo Mayano Kolsum ama yasyino kanene rainanta.
15 Yara Piraona pe apa naite nanawamo Po matatuv asyo Mayano Kolsum rai.
16 Kove raura Amisye Ai, Opi po Apa kawasae Israel maugav wanya no anoko kanene rai.
17 Kove raura Amisye Ai, Wepi rati Po akarijo titi ubambunin mataopon.
18 Wepi Po akarijo titi awa tame manakokoe mao.
19 Po vatano Amori awa akari titi Sihon aubaisy.
20 Muno Po munijo Basan awa akari titi Og aubaisy.
21 Po awa kopa raunanto irati Apa kawasae mai indamu awa ura rai.
22 Indamu Apa kawasae Israel wanapatambe Aije awa ura rai tawan tutir.
23 Opamo aemeno Israel wansai tutir arono wama marova wo wansapinde.
24 Muno Opi po wansapaya irati wama marova mai.
25 Wepi Po anakotaro njayaisye ravavirijo anaisye rai.
26 Kove raura Amisye Ai, Opi rati be akarive munijo ntiti rai!