1 Yesus Kristus, opirati Daud muno Abraham aya ajavip, avaki no susye so rai:
2 Abraham po Isak avaki,
3 Yehuda po Peres muno Zera yavaki
4 Ram po Aminadab avaki,
5 Salmon po Boas avaki
6 Isai po Akarijo Titi Daud avaki.
7 Salomo po Rehabeam avaki,
8 Asa po Yosafat avaki,
9 Uzia po Yotam avaki,
10 Hizkia po Manasye avaki,
11 Yosia po Yekonya muno apa arakove mavaki
12 Arono vatano Yahudi maugave uta no Babel rai to, umbawe:
13 Zerubabel po Abihud avaki,
14 Azor po Zadok avaki,
15 Eliud po Eleazar avaki,
16 Yakob po Yusup avaki.
17 Weti ratode vintabo, no Abraham aija ndeo Daud ai, awa susye abusyinara eane mambisy. Muno Daud aija ndea arono vatano Yahudi ube arove no Babel rai, awa susye abusyinara eane mambisy. Muno arono vatano Yahudi ube arove no Babel raija ndeo Mesias ai, awa susye abusyinara eane mambisy.
18 Yesus Kristus ano raije maisyare so: Maria, omamo Yesus Kristus apa akoya mije, ama vainye raveo Yusup ai. Weramu yana ibaunam dainy, Maria mbe ranakeave, weye Amisye po apa Anawayo Vambunine raugaje Maria rai indamu mbe ranakeave.
19 Yusup, ama anap, opamo tavondi Ananyao Musa rai mavabe, weti pare po rauguje aora. Weramu pare po rauguje maninimbe indamu vemo vatane wo raen ti Maria nsamane nora.
20 Yusup po anakotare umaso ratantona no anuga, arono naije nikimarive, po naito Amisye inta aeno de aiji. Umba naito Amisye umaso po raura pare, “Yusup, Daud apa ajavijo winy, vemo njanivo nyo Maria raovani nora! Weye Amisye po Anawayo Vambunine raugaje rai indamu mbe ranakeave.
21 Indati mo arikainye inta avaki, umba nyo Apa tame veano awainamo Yesus, weye indati Po apa kawasae mapaya awa ayao kakaije rai.”
22 Anakotare umaso nande indamu mamaisyo ayao Amisye po raura Apa anawae aijo wusyimbe rai no taiso:
23 “Wanya kamurame inta mbe ranakeave,
24 Yusup nikija seo, umba beto naito Amisy apa ayao uma po raura we rai. Weti umba po Maria rauga ti po raovan,
25 weramu nikijo rarijate ramu ava ntuna ama arikainyo anya autan. Umba Yusup po Apa tame veano awainamo Yesus.