1 Juda mɨktɨmon amɨn da Piŋkop pakyaŋsi nandaŋ ɨmaŋ.
2 Yutni uŋun Jerusalem tosok.
3 Uŋun kokupmon uwal dakon gobɨŋni gat, ae pasɨkni gat, ae emat agak sɨbani gat jokgalgɨt.
4 Piŋkop, gak tɨlɨmgo uŋun madepsi, ae gak kɨla amɨn madep mibɨltogɨ.
5 Gak uwal dakon emat amɨni tapmɨmɨ toŋ dakon yoni tagɨsi gwayeŋ paŋapgul.
6 Jekop dakon Piŋkop, gak da tebai yoyɨgɨl, do os gat ae amɨn ɨlɨk pawɨlgaŋ tamo gat kɨsi wayɨŋɨ mɨni.
7 Piŋkop, amɨn gak do si pasolgoŋ.
8 Gak kwen kokupmon da uwal da kobogɨ yokwisi tɨmɨtni do yagɨl, aŋaki mɨktɨmon mɨŋat amɨnyo da pasalek tayaŋgok egɨpgwit.
9 Piŋkop gak pɨdaŋ agek amɨn yokwi dakon aŋpakni kokwin aŋek jɨgɨni toŋ amɨn pulugaŋ yopmaŋdal.
10 Gak butjap nandaŋek kobogɨ yomɨsal, do amɨn dɨwarɨ mango awɨkwaŋ.
11 Yawe Piŋkopgo yaŋ teban tok aŋ ɨmɨŋek uŋun gen si guramɨkgi.
12 Uŋun on mɨktɨm dakon kɨla amɨn madep kwen wɨgɨk aŋ, uŋun pabɨŋ yopmaŋdak, do madepsi pasal ɨmaŋ.