1 Yawe, aŋkutnoki do gagon obɨsat.
2 Gak wagɨl kɨlegɨsi, do nak aŋpulugaŋek uwalno da kɨsiron naŋ kukwaŋ nepbi.
3 Gak tɨp madepno egek nak tagɨsi aŋkutnosol.
4 Piŋkopno, amɨn yokwi da kɨsiron baŋ pulugaŋ nepbi.
5 Amɨn Tagɨ Yawe, gak dasi pulugaŋ nepdɨsal yaŋ nandaŋek egɨsat.
6 Meŋno da nak aŋalaŋban gak da kɨla aŋaki wɨk da abɨsok egɨsat.
7 Amɨn morapmɨ nandaŋakwa yo noman taŋ namɨŋakwa yaŋ nandaŋ, gak kaloŋ dagɨn tagɨsi aŋkutnosol.
8 Gɨldat kɨnda kaloŋ nak gak dakon man awɨgɨsat, aŋek mɨŋat amɨnyokon gak dakon tɨlɨmgo do yaŋ teŋteŋok asat.
9 Abɨsok nak amɨn pelaŋ kɨlɨ at, do tapmɨmno mɨnisi.
10 Uwalno nɨkba kɨmokgeŋ do muwugek aŋupbal ak do gen yaŋ paŋteban aŋ.
11 Uŋun yaŋ yoŋ, “Kɨlɨ yolek abɨdono.
12 Piŋkop, dubagɨkon dɨma egɨpbi.
13 Gen yaŋ namaŋ amɨn uŋun pabɨŋ yopmaŋek dapbɨ pasɨlni.
14 Mani nak toktogɨsi gak nandaŋ gadaŋ gamɨŋek aŋpulugoki do jomjom abeŋ.
15 Aŋpakgo kɨlegɨsi uŋun do amɨn yoyɨkeŋ.
16 Amɨn Tagɨ Yawe, gak dakon tapmɨm do nandaŋek gak aŋkɨsikeŋ.
17 Piŋkop, nak monɨŋɨsogon da gak da nayɨŋ dek aŋaŋ wɨgɨl.
18 Abɨsok nak amɨn pelaŋ kɨlɨ at, ae kuluno madepsi kwaŋ, do Piŋkop nak dɨma nepmaŋ dekgi.
19 Piŋkop, aŋpakgo kɨlegɨ uŋun tugaŋ kundu da arɨpmon wɨgɨgɨt.
20 Gak da jɨgɨ mibɨlɨ mibɨlɨ yopbɨ nagon apgwit, mani nak nandɨsat, gak da nak aego aŋteban akdɨsal.
21 Gak da mano abɨ madepsi sigɨn pap tokdɨsak.
22 Piŋkopno, gak dɨmasi nepmaŋ dekdal, do mango awɨgɨk do gita tɨdokeŋ.
23 Nak kɨsɨk kɨsɨk aŋek yaŋ tɨdokeŋ.
24 Amɨn da nak abɨŋ nep do awit, mani gak da pabɨŋ yopmaŋek obɨsi paŋmayak agɨl.