1 Yawe, butjap nandaŋek gen tebai dɨma nayɨki.
2 Yawe, tapmɨmno mɨni, do bupmɨ nandaŋ nabi.
3 Butno wagɨlsi jɨk tosok. Yawe, bɨsap niaŋ da jɨgɨ paŋegɨpbeŋ?
4 Yawe, tobɨl obɨŋek yokwikon baŋ abɨdoki.
5 Amɨn kɨmakbi dɨma nandaŋ gamaŋ.
6 Iyoŋ iyoŋ yaŋ egapbo tapmɨmno wagɨlsi maŋ mudoŋ.
7 Uwalno morapmɨsi, do kunam gɨn tak egapbo dabɨlno pɨrɨropmaŋ.
8 Kunam tak egapbo Yawe da kɨlɨ nandaŋ namgut, do aŋpak yokwi aŋ amɨn ji kɨsisi nepmaŋdek kɨt.
9 Yawe da aŋpulugosak do aŋek yaŋ tɨdaŋapbo nandaŋ namgut.
10 Uwalno kɨsisi mayaktok ae but yokwiyo pakdaŋ.