1 Piŋkop, gak bɨsapmɨ bɨsapmɨ amɨn do but dasi galak taŋ yomɨsal, do nandaŋ yawok nabi.
2 Sugaŋ aŋmɨlɨp aŋaki aŋpak yokwino mudoni.
3 Gulusuŋ at yaŋsi nandɨsat.
4 Nak gulusuŋ gak naŋgɨn aŋ gamɨsat.
5 Asisi, yokwi gat kɨsi altagɨm.
6 Asi, nin butninon da topmɨ mɨni egɨpneŋ do nandɨsal.
7 Yokwino wɨrɨrɨkbɨ kɨlegɨsi egɨpbeŋ do nandɨsat.
8 Butno aŋtagap abɨ aeno kɨsɨk kɨsɨgɨ toŋ egɨpbeŋ.
9 Dɨwarɨno aego dɨma pɨndakgi.
10 Piŋkop, butno aŋkaluk abɨ kɨlegɨsi asak.
11 Nolbɨ gak da dubagɨkon dɨma egɨpbeŋ.
12 Kalɨp yokwikon naŋ aŋpulugaŋbɨ kɨsɨk kɨsɨk nandagɨm uŋun aego nabi.
13 Aŋek yokwi pakpak amɨn aŋpakgo yoyɨŋ dekgo tobɨlek gagon opni.
14 Piŋkop, Yokwikon Baŋ Tɨmɨt Tɨmɨt Amɨno, nak yokwi aŋapbo amɨn kɨnda kɨmakgɨt.
15 Amɨn Tagɨ, gen dulumno aŋtagap abɨ mango aŋkɨsikeŋ.
16 Gak bɨt kɨlapyo parek gabeŋ uŋun do dɨma galak tosol.
17 Piŋkop, nak naga do nandako pɨŋbisi asak uŋun da paret si galak tosol asak.
18 Saion kokup pap amɨn do galak taŋek paŋpulugoki.
19 Yaŋ aŋek uŋun bɨsapmon gak paret tagɨsi uŋun do galak tokdɨsal.