1 Yokwi uŋun amɨn yokwi da buron yɨgek gen iyɨsak.
2 Uŋun iyɨ do nandaban wɨgakwan nak yokwi pakpak amɨnsi kɨnda yaŋ iyɨ do dɨma nandɨsak.
3 Bɨsapmɨ bɨsapmɨ uŋun amɨn gen yokwi gat ae top gen yosok.
4 Dɨpmɨn tamokon pokdok bɨsapmon yokwi asak dakon kosit dakon nandak nandak asak.
5 Yawe, gak amɨn do but dasi galak taŋ yomɨsal.
6 Aŋpakgo kɨlegɨ uŋun madepsi kabap daman yombem.
7 Piŋkop, amɨn do but dasi galak taŋ yomyomgo uŋun wagɨl tagɨsisi.
8 Yutgokon jap morapmɨsi, do amɨn jap do dɨma aŋ.
9 Gak egɨp egɨp dakon mibɨlɨsi.
10 Bɨsapmɨ bɨsapmɨ amɨn si nandaŋ gamaŋ uŋun amɨn but dasi galak taŋ yobi.
11 Gak yum pɨndagaki iyɨ do nandaba wɨgɨsak amɨn da nak dɨma bamoni.
12 Pɨndakgi! Amɨn yokwi mɨktɨmon pɨlɨgɨ maŋ da pokgoŋ, ae arɨpmɨ dɨma pɨdokdaŋ.