1 Yawe, gak da nak aŋkutnoki do abɨsat.
2 Nandaŋ namɨŋek tepmɨsi pulugoki.
3 Asi gak tɨp madepno ae dam tebano arɨpmɨ dɨma tuwɨlɨ egɨsal.
4 Uwalno da nak abɨdok do pat yɨpmaŋ.
5 Wupno gak da kɨsiron yɨpmaŋdat.
6 Gak kokup kɨdat gawak yomaŋ amɨn dɨmasi galak taŋ yomɨsal.
7 Nak do bɨsapmɨ bɨsapmɨ but dasi galak taŋ namɨsal, do nak gak do but galaksi nandɨsat.
8 Yum pɨndagaki uwal da nak dɨma abɨdawit.
9 Yawe, jɨgɨno madepsi, do bupmɨ nandaŋ nabi.
10 Butnokon da jɨgɨ nandaŋ egɨsat.
11 Uwal da jɨgɨlak yaŋ namaŋ.
12 Amɨn kɨmakba ɨŋtaŋ yomamaŋ uŋudeŋ amɨn morap kɨsi nak do ɨŋtaŋ namaŋ.
13 Nak nandaŋapbo uwalno morapmɨ da manji gen yaŋ namaŋ.
14 Mani Yawe egɨp egɨpno gagon tosok yaŋsi nandɨsat.
15 Nak don egɨ aŋaŋ kɨkdɨsat uŋun gak da kɨsiron tosok.
16 Butgo oman amɨngo nagon yɨpmaŋek yo tagɨsi aŋ nabi.
17 Yawe, aŋpulugoki do yaŋ tɨdosot, do aŋpulugaŋaki mayagɨ dɨma pakeŋ.
18 Uŋun amɨn kwen wɨgɨk aŋek amɨn kɨlegɨ do yaŋba yokwi tok aŋyomaŋ,
19 Amɨn gak do pasalek gawak gamɨŋek ekwaŋ uŋun gak da aŋpakgo tagɨsisikon da paŋpulugosol.
20 Gak da uŋun amɨn gaga da kapmatjok paŋkɨsɨbɨsal.
21 Yawe aŋkɨsino. Nak do but dasi galak taŋ namɨsak.
22 Uŋun bɨsapmon wurɨpdagek yaŋ yagɨm, “Gak da nak nolbɨ gak da dubagɨkon egɨsat.”
23 Telagɨ mɨŋat amɨn kabɨni, ji Yawe but dasi galak taŋ ɨmni.
24 Yawe da paŋpulugosak do jomjom aŋ amɨn morap ji butji paŋteban aŋek atni.