1 Yawe uŋun teŋteŋɨno ae yokwikon baŋ tɨmɨt tɨmɨt amɨno, do namɨn do pasolgeŋ?
2 Amɨn yokwi nak aŋupbal ak do apni bɨsapmon kosit yokwigɨn agek maŋ potdaŋ.
3 Emat amɨn morapmɨsi da abɨŋ aŋgwasɨni kaŋ, dɨma pasolgeŋ.
4 Yawe do yo kaloŋɨ kɨnda do bɨsit asat.
5 Nido yo yokwi da nagon noman toni bɨsapmon uŋun da iyɨ da yutnon aŋkɨsɨbɨŋ nepban egɨpbeŋ.
6 Yaŋ aban uwalno nak aŋgwasaŋ uŋun pabɨŋ yopbeŋ.
7 Yawe, gak do bɨsit abo bupmɨkon da bɨsitno nandaŋek aŋpulugoki.
8 Gagon opbeŋ do nayɨsal, do Yawe nak kɨlɨ uŋun obɨsat.
9 Dɨma gandakeŋ yaŋ do dɨma pasɨlgi.
10 Meŋ datyo da manji namjil kaŋ, Yawe da kɨlano sigɨn akdɨsak.
11 Yawe, gaga dakon aŋpak do nayɨŋ dekgi.
12 Yum nandaŋaki uwalno da nak dɨma abɨdoni.
13 Nak asisi nandɨsat, don on mɨktɨm egɨsaron Yawe da yo tagɨsi aŋ namdɨsak.
14 Yawe aŋpulugosak do jomjom aki.