1 Yawe bɨsitno nandaki.
2 Gak da dabɨlon amɨn kɨlegɨ kɨnda dɨma egɨsak, do oman amɨngo nak gen pikon dɨma nepbi.
3 Uwalno da nol aŋkɨ nɨkban maŋ mɨktɨmon pokdot.
4 Nandak nandakno upbal taŋakwan but pasol madepsi nandɨsat.
5 Kalɨpsi egɨpgum uŋun do nandɨsat.
6 Aŋpulugoki do didasat.
7 Yawe, butno tapmɨmɨ mɨni aban nandɨsat, do bɨsitno nandaŋek tepmɨsi aŋpulugoki.
8 Egɨp egɨpno gagon tosok yaŋsi nandɨsat, do aŋpulugaŋbɨ wɨsa dagokdo gak da amɨn nin do but dasi galak taŋ nimɨsal uŋun do nandakeŋ.
9 Yawe, kɨlano abi do gagon obɨsat, do uwalno da kɨsiron baŋ pulugaŋ nepbi.
10 Gak Piŋkopno, do nayɨŋ dekbɨ gak dakon galaktok yolek egɨpbeŋ.
11 Yawe, man bingo tagɨsi tosak do yokwikon naŋ pulugaŋ nepbi.
12 Nak do but dasi galak taŋ namɨsal, do uwalno dapbɨ kɨmotni.