1 Yawe aŋkɨsini!
2 Monjɨ gwayoni mɨŋat amɨnyo da binapmon man madepni toŋ da egɨpdaŋ.
3 Yutnikon yo kabɨni morapmɨ taŋ ɨmni, ae aŋpakni tagɨsi uŋun do amɨn da dɨma ɨŋtoni.
4 Pɨlɨn tukgwan teŋteŋɨ da altaŋek amɨn kɨlegɨ paŋpulugosok.
5 Amɨn kɨnda yo kabɨni amɨn do yum yomɨsak, bo ae goman do yaŋba nandaŋ yomɨsak, ae yumaŋ gwayek kosit kɨlegɨkon da asak uŋun amɨn tagɨsi egɨpjak.
6 Uŋun amɨn tebaisi atjak.
7 Gen bin yokwi nandɨsak bɨsapmon pasol pasol dɨma asak.
8 Uŋun tebaisi agek pasol pasol dɨma nandɨsak.
9 Yoni mɨni amɨn do yo morapmɨ yomɨsak.
10 Yokwi pakpak amɨn da uŋun kaŋek but jap nandaŋ.