1 Piŋkop, butnokon da gak do tebai nandaŋ gadasat.
2 Nak pɨdaŋek dɨpmɨn yopbo kɨŋakwan gita gat kulele gat tɨdokeŋ.
3 Yawe, nak Amɨn Ŋwakŋwarɨ Kabɨ da binapmon ya yaŋ gayɨkeŋ.
4 Gak da nin do but dasi madepsi galak taŋ nimɨsal.
5 Piŋkop, nak mɨŋat amɨnyo da mango madepsi awɨgɨni do nandɨsat.
6 Gak da nin but dasi galak taŋ nimɨsal, do bɨsitno nandaki.
7 Piŋkop telagɨ yutnikon egek yaŋ yosok, “Nak emaron kɨlɨ teban tat, do nak kɨsɨk kɨsɨk aŋek mɨŋat amɨno do Sekem mɨktɨm kokwinɨtdɨsat, ae Sukot mɨktɨm dakon kuldukgɨbaŋ kokwinɨk yomdɨsat.
8 Gileat mɨktɨm gat Manase mɨktɨm gat uŋun nak dakon.
9 Moap mɨktɨm uŋun pakbi sogok ɨdapno.
10 Piŋkop, namɨn da nak aŋaŋ kokup pap dam tebani toŋon tagɨ aŋkɨsak?
11 Piŋkop, gak da nin manji kɨlɨ nimgul, ma?
12 Amɨn dakon paŋpulugok uŋun yo ɨsalɨ gɨn, do nin paŋpulugaŋaki uwal gat emat tagɨ wamneŋ.
13 Piŋkop da nin paŋpulugosak kaŋ, emaron teban toneŋ.