1 Yawe, nak amɨn do but dasi galak taŋ yomɨsal, ae amɨn dakon aŋpak kokwin kɨlegɨsi asal uŋun do kap yokeŋ.
2 Nak aŋpak kɨlegɨ baŋ gɨn yolgeŋ.
3 Nak yo ɨŋani kɨnda dɨmasi kokeŋ.
4 Nak butnokon da yokwi dɨ dɨma abeŋ.
5 Nak da amɨn do yaŋba yokwi tok aŋ amɨn obɨsi paŋupbal akdɨsat.
6 Nak amɨn Piŋkop yolgaŋ uŋun baŋ galak taŋ yobeŋ, ae uŋun gat gɨn nak da yutnon tagɨ egɨpneŋ.
7 Jamba but amɨn nak da yutnon dɨma egɨpni, ae top yoŋ amɨn nak gat dɨma egɨpneŋ.
8 Gɨldarɨ gɨldarɨ amɨn yokwi mɨktɨmninon ekwaŋ uŋun paŋupbal ak do pi abeŋ.