1 Kiyi God re nemri yeiwarege remne agerbo agerbo yabelke re remne agerbo agerbo wulek tuma ek wesowbem. Re reri tuma wesowbem tame remne kiyi wesowbemke, sene rem er tuma nemri yeiwarege remne ek wesowbem.
2 Gwopte nowsel legete matnaye, God re Reri Yen rene tuma weiwen re nemne er tuma wesowbem. Re kiyi wem, er yen re lip, yabel, nowsel nenem. Nowsel legete, Yen re aboyei wos potte tetane.
3 God eter malebokap er yen re etop malebo. Re har God eterkap, re God eterri tame yopkap. Reri tuma et kitimena bukre tetane, eker eter webokap, nowsel re som tetane. Re tatame remri yaper nen wos poten septikeipem, re Hevenke yawun Keryen Yen God eterri mame yokwok sim. God re Keryen Yen bukrewai.
4 God re Yener rene sig bukrekene yenbokene newom, eker, Yener re God reri kwomri tame remri keryen yen tem, rem eterri kulke tetane.
5 Kiyi God re Yener rene op wem.(Buk Song 2:7) Re sene op wem.(2Samuel 2:4) God re reri kwom tame remne etop kirkir be wem. Yehow.
6 Re reri masetebo Yen rene nowselke yerte weraste nenbem, re op wem.
7 (Buk Song 104:4)
8 Re Reri Yener rene op wem.
9 (Buk Song 45:6-7)
10 God re rene sene op wem.
12 (Buk Song 102:25-27)
13 Kiyi God re yener rene op wem.(Buk Song 110:1) God reri kwom tame remne re etop be wem.
14 God reri kwom tame rem mapkap? Aboyei rem wow. Rem God reri yaku nenbo tame. God re remne werasen yibo, God eter potte tatame remne rem kwobo labo. Rem etop nenbo.