1 Basenadiotoga Yaubada yana nuanua i veve tubudavo me Diu 'waidie. Tutuya fuedi 'eda'eda tulina tulina 'waidiega yana nuanua i sivemagesedi yana tolu'ivonavo 'waidie mulieta i lu'ivona tubudavo 'waidie.
2 Basenadi de'e bani'odi i veifufuyedi siwe 'asiau bega i na nagoga tutuya 'ana 'eba ve'a'ava 'waineye i veifufu 'waideye Natuna 'wainega. Natunanina 'wainega nani matatabuna i 'idewadi abame wata fwayefwayeye, wata i venua'ivineni bega naninidi i 'idewadiga i na veveimeyedi.
3 Yaubada yana 'ai'aiwabu mataududulina 'anununa 'ada fata ta na 'iseni Natuna 'wainega. Natunanina Yaubada i sala-'afo'afoi wata yana vona toketokena 'wainega nani matatabuna i veveimeyedi wata i 'i'isave'avinidi. We'e yana wafa 'wainega tomotoga yada sakona i lekoa'a'avadi mulieta ma yana veimea i miabui abame, Yaubada Toketokeotogina 'ana 'atagie.
4 Ma yana veimea i miabui bega taunina bwaikaotogina we'e anelose sai'afo. Wata 'ana wagava Yaubada i veleniga bwaikaotogina, kebu anelose 'adi wagava bani'odi.
5 Vona mogitana ta 'asetai Yaubada Natuna bwaikaotogina, faifaina basenadiotoga i kilumi Yaubada yana Buki nageneye. Yaubada i vona Natuna 'waineye i vo,
6 Yaubada Natuna kumanina nani matatabuna 'adi to'edakumeta, tutuyanina Yaubada Natuna i mieni fwayefwayeye, faifaina i vona i vo,
7 Ta 'asetai anelose tomotoga bwaikidi fai Yaubada faifaidi i vona i vo,
8 We'e Natuna bwaikaotogina bega faifaina i vo,
9 Sauluva tonovidi nuanuamu bwaikina, we'e sakona 'u vedumwe'ai'aieni.
10 Wata Yaubada i vona Natuna 'waineye i vo,
13 Wata tamu tutuya Yaubada i vona Natuna 'waineye i vo,
14 Vetuma anelose egavo? Taunidi 'anu'anunu, Yaubada yana tofolovavo i vevetunedi bega egavo 'ita'ita'i i na veluagaiga i 'i'ivaisedi.