1 Ekwavo, 'ida matatabuda tovetumaganavo, 'ai'edi tamu iada sauluva sakoina 'wainega i na be'u, 'omi kumanimiavo 'Anu'anunu Magemagetana yana nuanua 'adi to'idewadewa, bonami bikadiega tomogonina 'wa na kiavetonovi. We'e 'omi taunimi 'wa na 'i'isave'avinimi, i na nunago sailubu 'wainega tamu sauluva sakoina 'waineye 'omi wata 'wa na be'u.
2 'Ai'edi emiavo vita i na veluagadi 'wa na 'ivaisedi. Yami 'aivaita 'waidiega Keliso yana veimea 'wa na vematayakeyakeni.
3 We'e 'ai'edi aitoi taunina i na awa'ai'aia i na vo, Yau tomogo bwaikiku,” we'e mogitana taunina tomogo-'avo'avovo, yana vonanina 'ana nogaya vekali.
6 'Ai'edi egavo yadi tove i na veve 'waidie Yaubada yana Vona 'wainega, tomotoganidi i lubwainedi yadi tove i na 'ivaiseni, nani 'atumaidi 'waidiega i na 'aivaita.
7 'Wa na venua'ivina-'atumai nika vona de'e 'wa na 'asetai. Kebu 'ami fata Yaubada 'wa na vekalieni bega sauluva 'atumaidiega yami sakona 'wa na velubwasabwasadi. 'Ai'edi aitoi ava'ai i na bakuliga, naninina 'awaie wata i na alai, wata bani'odi yada sauluva fwayefwayeye 'awaie Yaubada i na tutulidi, 'atumaidi wata 'atumaidi 'waidiega, sakoidi wata sakoidi 'waidiega.
8 'Ai'edi aitoi taunina yana nuanua sakoidi 'waidie i na bakulaga, 'awaie vuagina i na veluagai wafaotoga. We'e 'ai'edi aitoi taunina i na tauyeni 'Anu'anunu Magemagetana yana nuanua i na 'i'idewadi, 'wa da vo bei i da bakula, vuagina i na veluagai mia 'atumaina wata miamia-vagaina.
9 Begaidi tutuya matatabuna 'waidie ta na vevesauluva 'atumaina kebu ta na 'abiawa, nika 'awaie 'aiala 'ana tutuye vuaga 'atumaidi ta na veluagadi.
10 Begaidi egavo ta na 'isedi nuanuadi 'aivaita, i lubwaineda ta na vevesauluva 'atumaina 'waidie, we'e mogitana edavo Keliso yana 'Aila'a 'waidie 'ida ma fueda ta vetumagana 'waineye, ta na 'i'ivaisedi.
11 De'e bei yaku lubulubu 'ana tokiluma a voneni i 'ailove, yau tauniku a na ve'a'avai. 'Wa na 'iseni nimaku, vona matadi bwaikidiega a kilukiluma.
12 Tomotoganidi i lulukakademi nuanuadi bunu 'aibobo 'wa na 'ewai, taunidi 'adi subia 'aisena faifaina i nuanua. Kebu nuanuadi Keliso yana wafa 'ai lagalagana 'wainega i na awavemogitaneni, i na nunago tamu aitoi i na 'ivekokovidi.
13 Bunu 'aibobo i 'ewai, siwe veimea 'ifwaidi kebu i da vevematayakeyakedi. Nuanuadi 'omi bunu 'aibobo 'wa na 'ewai bega taunidi i na awa'ai'aidi i na vo, Yama vona 'waidiega bunu 'aibobo i 'ewai bega yama tomotoga.”
14 We'e yau, kebu tamu sai'afo tauniku a na awa'ai'aiku tamu ava'ai faifaina, 'ada Toveimea Iesu Keliso i wafa 'ai lagalagana 'waineye 'aiseotogina a na awa'ai'aia. Fai Keliso i wafa faifaiku 'ai lagalagana 'waineye, fwayafwaya 'ana nuanua matatabuna a bailedi 'wa da vo a da wafa 'waidiega, wata kumanidiavo fwayafwaya 'ana nuanua 'waidie bwaikina kebu nuanuadi yau, fai 'wa da vo wafaku.
15 Voke bunu 'aibobo basenadi ta 'ewai 'alo kebu, siwe kebu tamu ava'ai. We'e nani bwaikina Yaubada i 'ive'ivauda nika ta vetuli.
16 Egavo Yaubada i 'ive'ivaudiga taunidi yana tomotoga mogitana, nuanua bikana mia 'atumaina taiadi Yaubada i da veleveledi wata i da 'i'isanuakalikaliedi.
17 Yaku vona 'ana 'eba ve'a'ava. Yau Iesu yana tofolova, we'e 'ana tovedumwe'ai'ai yadi bwaya tomogokuye i 'eno'enovi, begaidi kebu nuanuaku tamu aitoi taiadi 'a na veve'ikwayekwayega 'alo yaku veimea i na awavesakoyeni.
18 Ekwavo, 'ida matatabuda Iesu 'ana tovetumaganavo, a vevelu'ui faifaimi, nuanuaku 'ada Toveimea Iesu Keliso ma yana nuakalikali i na vevesauluva 'atumaina 'waimie. Vona mogitana yaku nuanua bani'odi.